Барилгын салбарт Евро-Стандарт нэвтрүүлнэ

Барилгын салбарт Евро-Стандарт нэвтрүүлнэ
                 Барилга , хот байгуулалтын сайд Д.Цогтбаатар ХБНГУ-аас Монгол Улсад суугаа Онц бөгөөд Бүрэн эрхт Элчин сайд ноён Герхард Тийдеманнийг 2015 оны 1 дүгээр сарын 30-ны өдөр хүлээн авч уулзан хоёр талын харилцаа, хамтын ажиллагааны талаар санал солилцохын зэрэгцээ цаашид хэрэгжүүлэх үйл ажиллагааны талаар ярилцав.

Уулзалтын үеэр сайд Д.Цогтбаатар евро стандартыг нутагшуулах асуудлаар дунд хугацааны төсөл хэрэгжүүлэх, барилгын стандарт, норм нормативын чиглээр сургалт зохион байгуулах, үл хөдлөх хөрөнгийн зах зээлд хамтран ажиллах саналыг тус тус дэвшүүлэв. Элчин сайд Герхард Тийдеманн 2 талын харилцаа тогтвортой хөгжиж байгаад сэтгэл хангалуун байгаагаа хэлээд  сайдын тавьсан хүсэлтийг судалж, хэрэгжүүлэх талаар санал бодлоо хэлж, туслаж дэмжихээ илэрхийлэв. Мөн эрчим хүчний хэмнэлттэй гэрэлтүүлгийн технологийг Монголд нэвтрүүлэх чиглэлээр хамтран ажиллах санал дэвшүүлэв. 

Холбоотой мэдээ