“Сант” сургууль барилгын компанийг залилсан уу?
“Сант” сургууль барилгын компанийг залилсан уу?
“Бүрэн цутгамал” ХХК-ийн нэхэмжлэлтэй “Сант” сургуулийн удирдлагуудтай холбоотой хэрэг жил гаруй хугацаанд шүүх, цагдаагийн байгууллагаар шалгагдаж байна. Тодруулбал, “Сант” сургуулийн удирдлагууд сургуулийн өргөтгөл, спорт заал бариулахаар “Бүрэн цутгамал” компанитай 2013 оны зургадугаар сард гэрээ байгуулсан байдаг. Гэвч тус сургуулийн зүгээс барилгын гэрээгээ удаа дараа зөрчиж, улмаар барилгын гүйцэтгэл 85 гаруй хувьтай болсны дараа гүйцэтгэгч компаниа гэнэт солих болсноо мэдэгдэж, гэрээгээ цуцалсан байдаг. Энэ тухай дэлгэрүүлэн дурдъя.
-“Сант” сургуулийн өргөтгөл, спорт заалны барилгыг “Бүрэн цутгамал” компани гүйцэтгэхээр болов-
“Сант” сургуулийн удирдлагууд “Бүрэн цутгамал” компанийг сургуулийнхаа өргөтгөл болон спорт заалны нийт таван давхар барилгыг бариулахаар сонгож, 2013 оны зургадугаар сарын 6-ны хамтарсан гэрээ байгуулсан байна. Гэрээнд “Бүрэн цутгамал” компани барилгыг бүрэн төсөвтэйгээр буюу бүх гүйцэтгэлийг хариуцаж, хүлээлгэж өгөхөөр заасан байна. Уг заалт барилгын компаниудын хувьд хамгийн чухал бөгөөд хийж буй ажилдаа эзэн болох, хариуцлага хүлээх цаашлаад уг барилгыг бүтнээр барьсан хэмээн тооцох гол заалт юм. Ингээд гэрээ ёсоор “Бүрэн цутгамал” компани өөрийн ажилчдаа болон туслан гүйцэтгэгч компаниудын хамт “Сант” сургуулийн спорт заал бүхий хичээлийн өргөтгөлийн барилгыг 2013 оны зургадугаар сарын 8-ны өдрөөс эхлэн барьж эхэлсэн байна. Хэдийгээр өргөтгөл барих газрын талбай жижиг, шаардлагатай багаж, тоног төхөөрөмж, газар шорооны ажил хийх машинуудыг байрлуулах зай талбайгүй байсан ч “Бүрэн цутгамал” компанийн удирдлага болон ажилчид тухайн нөхцөл байдалдаа зохицон ажлаа эхлүүлсэн байна.
Гэрээгээ зөрчиж, санхүүжилтээ “царцаав”
Барилгын газар шорооны ажлыг хийж байтал өргөтгөлийн сантехникийн ажлыг гүйцэтгэх компанийн ажилчид хэмээн өөрсдийгөө танилцуулсан хүмүүс барилгын талбайд ирсэн байна. Тиймээс “Бүрэн цутгамал” компанийн талбайн инженер болон удирдлагууд “Сант” сургуулийн удирдлагуудтай уулзаж, “Бүх ажлыг манай компани хариуцаж гүйцэтгэнэ гэсэн гэрээ байгаа. Гэтэл яагаад сантехникийн ажлыг өөр компани хийхээр болчихов” гэхэд “Бид ингэж шийдсэн. Та нар ажлаа үргэлжлүүл” гэхээс өөр хариу өгөөгүй байна. Ингээд нэг зэргийн ажил ч яах вэ, бусдыг нь чанартай, сайн гүйцэтгэе гээд “Бүрэн цутгамал” компанийн ажилчид ажилдаа орсон байна. Ингэж байтал долдугаар сарын 23-ны өдөр “Сант” сургуулийн удирдлагууд “Бүрэн цутгамал” компанийн захирал Б.Батдэлгэрт “Манайх спорт заал буюу 4-5 дугаар давхраа бариулахаа болихоор шийдсэн. Учир нь гурван давхраас дээш давхар барилга баривал “Жигүүр Гранд”-ын барилгыг манай өргөтгөл хаах юм байна. Тиймээс эхний ээлжинд бид гурван давхар барилга бариад, сүүлд нэмэх шийдвэр гаргасан. Та нар барилгаа гурван давхар болгож өөрчил” гэсэн байна. Захиалагч байгууллагаас ийм шийдвэр гарсан тул гүйцэтгэгчид хүлээн зөвшөөрч, харин барилгын зураг төсөл болон шаардлагатай өөрчлөлтүүдэд орох төсөв, зардал болоод тасалдаад байсан санхүүжилтыг даруй шийдэж өгөхийг хүссэн байна. Гэтэл “Сант” сургуулийн зүгээс уг хүсэлтэд хариу өгөөгүй байна. Харин “Барилгад шаардлагатай материалыг компаниудаас түр зээлж, ажлаа үргэлжлүүлж бай. Бид үе шатны санхүүжилтыг 50, 50 хувиар тооцон хийнэ” гэсэн байна. Иймд “Бүрэн цутгамал” компани барилгад шаардлагатай бараа материалыг хэд хэдэн компаниас зээлэн, ажлаа үргэлжлүүлсэн байна. Гэвч санхүүжилт заасан хугацаандаа орж ирэхгүй хэвээр байжээ. Наймдугаар сарын 12-ны өдөр гуравдугаар давхрын цутгалтаа эхлүүлсэн байна. Цутгалт хийж байтал мөн л гаднаас барилгын салхивчийн ажлыг хийнэ гэсэн хүмүүс ирсэн байна. Ингээд “Бүрэн цутгамал” компанийн удирдлагууд “Сант” сургуулийн захиралтай уулзах гэсэн боловч хүлээж аваагүй байна. Гэрээгээ зөрчиж байгааг дахин сануулахад “Тэгвэл гэрээгээ цуцал, явцгаа” гэсэн байна. Барих ёстой барилгаа бараг дуусгах гэж байсан учраас ажлаа үргэлжүүлэх шийдвэр гаргаж, цутгалтаа үргэлжүүлсэн байна. Ингээд барилгын ажил 85 гаруй хувьтай болсон байна. Энэ үед санхүүжилтын мөнгө огт өгөхгүй болсон байна. Гэвч ажлаа дуусгаад хүлээлгэж өгөхөд мөнгөө өгөх байлгүй гэж итгэн ажлаа үргэлжүүлсээр байсан аж. Ингэж байтал нэг өдөр барилгын талбайд гадны хүмүүс орж ирээд, “Ажлаа боль, бид гүйцээнэ. Өнөөдрөөс бид гүйцэтгэгч болсон” гэсэн байна. Ингээд захиалагч талын удирдлагуудтай “Бүрэн цутгамал” компанийн удирдлагууд уулзаж, учир байдлыг тодруулах гэхэд “Та нар заасан хугацаандаа ажлаа гүйцэтгэж дуусгахааргүй байна. Тиймээс танай компанитай байгуулсан гэрээг цуцалж, өөр компаниар гүйцэтгүүлэхээр болсон” гэсэн байна. Мөн барилгын талбай дээрээс багаж, тоног, төхөөрөмжүүдээ авахыг сануулжээ. Барилга гүйцэтгүүлэхээр хийсэн анхны гэрээнээс хойш нэг ч удаа албан бичиг болон уулзалт хийгээгүй “Сант” сургуулийн удирдлагууд ажилчдын хөлс болон зээлээр авсан бараа, материалын төлбөр болох нийт 500 гаруй сая төгрөгийг өгөхгүй гэдгээ мэдэгдсэн байна. Бүр “Чаддаг юм бол шүүх, цагдаагаар яваад аваарай. Бид танил ихтэй шүү” хэмээн басамжилсан аж.
“Сант” сургуулийг шүүхэд өгөх үед тэд “Бүрэн цутгамал” компанийн захирал Б.Батдэлгэрийг залилангийн хэргээр цагдаад өгсөн байжээ
Сургуулийн өргөтгөл болон спорт заалны ажлаас бараг хийхээр юм үлдээгүй байсан бөгөөд хэдэн цонх, хаалга, дотор заслын жижиг сажиг юм үлдээд байхад нь “Бүрэн цутгамал” компанийг талбай дээрээсээ ийнхүү хөөсөн байдаг. Ингэхдээ ажилчдын ажлын хөлс болоод барилгад шаардлагатай зээлээр авсан материалын төлбөр болох 500 гаруй сая төгрөгийг төлөхгүй хэмээсэн учир “Бүрэн цутгамал” компанийн удирдлагууд “Сант” сургуулийн захирал Д.Зургаанжинг Сүхбаатар дүүргийн шүүхэд өгсөн байна. Шүүхэд өгөөд удаагүй байтал “Бүрэн цутгамал” компанийн захирал Б.Батдэлгэрийг Сүхбаатар дүүргийн цагдаагийн хэлтсээс “Танд залилангийн хэргээр эрүү үүсгэсэн. Ирж мэдүүлэг өгнө үү” гэсэн байна. Улмаар хэн, ямар учраас өгснийг нь тодруулахаар тус цагдаагийн хэлтэст очиход “Сант” сургуулийн захирал Д.Зургаанжин Б.Батдэлгэрийг “Сургуулийн өргөтгөл барина гэж 1.1 тэрбум төгрөг авсан хэрнээ юу ч хийгээгүй тул шалгаж өгнө үү” хэмээн гомдол гаргасан байна. Улмаар уг хэрэг шалгагдаж, нэлээдгүй хугацаанд шүүх, цагдаагийн байгууллагад дуудагдсаны эцэст прокуророор уг хэргийг үндэслэлгүй хэмээн үзэж, хэрэгсэхгүй болгосон байна. Гэтэл “Сант” сургуулийн захирал Д.Зургаанжин прокурорт гомдол гаргаж, “Чанаргүй барилга барьсан гэх хэргээр “Бүрэн цутгамал” компанийн захирал Б.Батдэлгэрийг дахин шалгуулахаар болсон байна. Тус компани өргөтгөл болон спорт заал барих явцдаа “Сант” сургуулиас нийт1.1 тэрбум төгрөгийн санхүүжилт авсан байна. Мэдээж дээрх мөнгөөр барилгыг заасан норм журмын дагуу 85 хувьтайгаар барилгыг барьчихсан. Гурван давхар барилгыг барихад дээрх мөнгө тэр чигтээ орно гэдгийг олон жил барилга барьж байгаа хүмүүс мэдэх биз ээ.
“Бүрэн цутгамал” компани тэрбум гаруй төгрөгийн татвар улсад төлжээ
Өнгөрсөн хугацаанд орон сууцны 173'000 м.кв, гражийн 33'000 м.кв, оффиссын 15'128 м.кв, зочид буудлын 2'097 м.кв, хаусны 1'612 м.кв барилга, байгууламж барьсан байна. “Твин парк”-аас эхэлсэн “Бүрэн цутгамал” компанийн ажилчдын бүтээн байгуулалт нэлээд тоотой болоод байна. Тухайлбал, “Кристал таун” буюу 535 айлын найман блок, 16 давхар орон сууцыг 2008-2012 онд, 2012-2014 онд “Эмералд резиденс” хотхоны 16 давхар 12 блок орон сууцны барилгаас гадна “Embassy tower” оффис бүхий үйлчилгээний төвийн барилга, “Кореa таун” орон сууц зэрэг цөөнгүй бүтээн байгуулалт хийгээд байна.
Б.Ганболд: Үйлчлүүлэгч маань хийсэн ажлынхаа хөлсийг гүйцэд аваагүй хэрнээ өөрөө шүүх, цагдаад шалгагдаж, байнгын сэтгэлзүйн дарамтад байгаа
Уг хэрэг ямар шатандаа явж байгаа талаар тус компанийн өмгөөлөгч Б.Ганболдоос тодрууллаа.
-“Бүрэн цутгамал” ХХК болон “Сант” сургуультай холбоотой асуудал шүүхийн байгууллагад хэлэлцэгдэж байгаа юм байна. Энэ талаар та тодорхой мэдээлэл өгөөч?
-“Бүрэн цутгамал” компани “Сант” сургуулийн өргөтгөлийн барилгыг 2013 оны зургадугаар сарын 6-ны өдрөөс албан ёсны гэрээгээр барьж эхэлсэн байдаг. Гэтэл “Сант” сургуулийн удирдлагууд удаа дараа гэрээгээ зөрчсөн үйлдэл гаргаж, тэр бүртээ “Бүрэн цутгамал” компанитай “Гэрээгээ цуцална шүү, ажлаа үргэлжлүүл” гэсэн байдлаар хандсан байгаа юм. Гаргасан хөрөнгө мөнгө дээр нь ажилчид, туслан гүйцэтгэгчдийнхээ өмнө хүлээсэн үүрэг, хариуцлагаа бодоод “Бүрэн цутгамал” компанийн удирдлагууд тухай бүрт ойлголцлын байдлаар хандаж, ажлаа үргэлжлүүлсэн байдаг. Гэвч “Сант” сургуулийн удирдлагууд гэрээний хугацаа дуусаагүй байхад тус компанид мэдэгдэлгүйгээр гүйцэтгэгчээ сольж, гэрээг цуцлах болсноо мэдэгдсэн. Улмаар “Бүрэн цутгамал” компани ч гэрээгээ цуцлах санал гаргаж, гүйцэтгэсэн ажлын хөлс болон барилгад зээлээр авч хийсэн байсан барилгын материалын төлбөр зэрэг нийт 500 гаруй сая төгрөгийг “Сант” сургуулиас 2013 оны аравдугаар сард нэхэмжилсэн байдаг. Гэвч тус сургуулийн удирдлагуудаас “Энэ мөнгийг өгч чадахгүй. Явдаг газраараа яваад олж ав” гэсэн байдлаар хандсан байсан. Тиймээс “Бүрэн цутгамал” компанийн удирдлагууд “Сант” сургуулийн захирал Д.Зургаанжинд 500 сая төгрөгийн нэхэмжлэл гаргаж, Сүхбаатар дүүргийн шүүхэд өгсөн. Одоогоор уг хэргийг түр түдгэлзүүлсэн байдалтай байна.
-Ямар учраас түдгэлзүүлээд байгаа юм бол?
-“Бүрэн цутгамал” компанийн гүйцэтгэлийн явцад хийсэн хөрөнгө оруулалтад шинжээчийн үнэлэлт, дүгнэлт гаргуулахаар хэргийг түр түдгэлзүүлсэн байгаа. Шинжээчийн дүгнэлт гарвал шүүх хурал болох байх.
-“Сант” сургуулийн удирдлагууд тус компанийг болон захирал Б.Батдэлгэрийг мөн шүүхэд өгсөн гэсэн. Ямар үндэслэлээр өгөөд байгаа юм бол?
-Биднийг шүүхэд хандаад удаагүй байхад Сант сургуулийн удирдлагуудын зүгээс “Бүрэн цутгамал” компани залилан хийсэн, чанаргүй барилга барьсан, шударга өрсөлдөөний тухай хуулийг зөрчсөн гэх мэт үндэслэлээр Сүхбаатар дүүргийн цагдаагийн хэлтэс, ШӨХТГ, Эрүүгийн цагдаагийн газар, УМБГ-т өргөдөл, гомдол гаргачихсан байсан. Эрүүгийн цагдаа болон УМБГ-аас уг асуудлыг харъяа бус гээд хүлээж аваагүй байсан. Харин Сүхбаатар дүүргийн цагдаагийн газраас уг хэрэгт эрүү үүсгээд, шалгасан. Өөрөөр хэлбэл манай үйлчлүүлэгч хийсэн ажлынхаа хөлсийг гүйцэт аваагүй хэрнээ өөрөө шүүх, цагдаад шалгагдаж, байнга очиж байцаалт, мэдүүлэг өгөхөөс эхлээд маш их дарамт, шахалтад орсон. Ингэж шалгагдсаар прокурорт хэрэг шилжиж, шалгагдахад “Энэ бол залилангийн хэрэг биш. Үндэслэлгүй” гээд хэргийг хэрэгсэхгүй болгосон. Гэтэл дахиад чанаргүй барилга барьсан гэсэн үндэслэлээр прокурорт гомдол гаргаж, прокуророос энэ хэргийг шалга гэсэн үүргийг Сүхбаатар дүүргийн цагдаагийн газарт өгч, дахиад эрүүгийн хэрэг үүсгэн шалгаж эхэлсэн. Энэ асуудал одоо үргэлжилж байна. Гэхдээ гүйцэтгэгч байгууллагын хувьд чанаргүй барилга барьсан асуудал бол байхгүй. Үүнд бид санаа зовохгүй байгаа. Шалгах байгууллагууд нь шалгаад асуудлыг үнэн зөвөөр гаргаад ирэх байх. Мөн “Сант” сургуулийн удирдлага “Бидэнд учирсан хохирлыг “Бүрэн цутгамал” компаниас гаргуулна уу” гэсэн сөрөг нэхэмжлэл гаргасан байгаа. Уг нэхэмжлэлд манайд ийм ийм хохирол учруулсан гэх тодорхой бус зүйлс нэрлээд 530 гаруй сая төгрөг нэхэмжилсэн байсан. Гэсэн атлаа үндэслэлүүдээ тодорхой гаргаж, шүүхэд тайлбарлаагүй байсан.
-Тодорхой бус нэхэмжлэл гэдгээс заримыг нь дурдаж болох уу?
-Тухайлбал, “Барилгад осол аваарын шат хийгдээгүй. Тиймээс аваарын шатны 95 сая төгрөгийг “Бүрэн цутгамал” компаниас гаргуулж өгнө үү” гэсэн байгаа юм. Энэ нь “Сант” сургууль аваарын шат хийх мөнгийг нь өгөөд байхад “Бүрэн цутгамал” компанийн ажилтнууд шатыг хийгээгүй бол нэхэмжилж болох асуудал гэх мэт үндэслэлгүй олон нэхэмжлэл гаргасан байна лээ. Нэхэмжлэлийнхээ шалтгааныг ч тайлбарлаж чадаагүй юмс олон байсан. Үүнийг бид цаг хугацаа хожих гэсэн, “Бүрэн цутгамал” компанид олгох ёстой 500 орчим сая төгрөгийг өгөхгүй байх арга хайж байна гэж харж байгаа. Хэрэг үнэн зөвөөр шийдэгдэх байх гэж найдаж байна.
М.НЭРГҮЙ
“Бүрэн цутгамал” ХХК-ийн нэхэмжлэлтэй “Сант” сургуулийн удирдлагуудтай холбоотой хэрэг жил гаруй хугацаанд шүүх, цагдаагийн байгууллагаар шалгагдаж байна. Тодруулбал, “Сант” сургуулийн удирдлагууд сургуулийн өргөтгөл, спорт заал бариулахаар “Бүрэн цутгамал” компанитай 2013 оны зургадугаар сард гэрээ байгуулсан байдаг. Гэвч тус сургуулийн зүгээс барилгын гэрээгээ удаа дараа зөрчиж, улмаар барилгын гүйцэтгэл 85 гаруй хувьтай болсны дараа гүйцэтгэгч компаниа гэнэт солих болсноо мэдэгдэж, гэрээгээ цуцалсан байдаг. Энэ тухай дэлгэрүүлэн дурдъя.
-“Сант” сургуулийн өргөтгөл, спорт заалны барилгыг “Бүрэн цутгамал” компани гүйцэтгэхээр болов-
“Сант” сургуулийн удирдлагууд “Бүрэн цутгамал” компанийг сургуулийнхаа өргөтгөл болон спорт заалны нийт таван давхар барилгыг бариулахаар сонгож, 2013 оны зургадугаар сарын 6-ны хамтарсан гэрээ байгуулсан байна. Гэрээнд “Бүрэн цутгамал” компани барилгыг бүрэн төсөвтэйгээр буюу бүх гүйцэтгэлийг хариуцаж, хүлээлгэж өгөхөөр заасан байна. Уг заалт барилгын компаниудын хувьд хамгийн чухал бөгөөд хийж буй ажилдаа эзэн болох, хариуцлага хүлээх цаашлаад уг барилгыг бүтнээр барьсан хэмээн тооцох гол заалт юм. Ингээд гэрээ ёсоор “Бүрэн цутгамал” компани өөрийн ажилчдаа болон туслан гүйцэтгэгч компаниудын хамт “Сант” сургуулийн спорт заал бүхий хичээлийн өргөтгөлийн барилгыг 2013 оны зургадугаар сарын 8-ны өдрөөс эхлэн барьж эхэлсэн байна. Хэдийгээр өргөтгөл барих газрын талбай жижиг, шаардлагатай багаж, тоног төхөөрөмж, газар шорооны ажил хийх машинуудыг байрлуулах зай талбайгүй байсан ч “Бүрэн цутгамал” компанийн удирдлага болон ажилчид тухайн нөхцөл байдалдаа зохицон ажлаа эхлүүлсэн байна.
Гэрээгээ зөрчиж, санхүүжилтээ “царцаав”
Барилгын газар шорооны ажлыг хийж байтал өргөтгөлийн сантехникийн ажлыг гүйцэтгэх компанийн ажилчид хэмээн өөрсдийгөө танилцуулсан хүмүүс барилгын талбайд ирсэн байна. Тиймээс “Бүрэн цутгамал” компанийн талбайн инженер болон удирдлагууд “Сант” сургуулийн удирдлагуудтай уулзаж, “Бүх ажлыг манай компани хариуцаж гүйцэтгэнэ гэсэн гэрээ байгаа. Гэтэл яагаад сантехникийн ажлыг өөр компани хийхээр болчихов” гэхэд “Бид ингэж шийдсэн. Та нар ажлаа үргэлжлүүл” гэхээс өөр хариу өгөөгүй байна. Ингээд нэг зэргийн ажил ч яах вэ, бусдыг нь чанартай, сайн гүйцэтгэе гээд “Бүрэн цутгамал” компанийн ажилчид ажилдаа орсон байна. Ингэж байтал долдугаар сарын 23-ны өдөр “Сант” сургуулийн удирдлагууд “Бүрэн цутгамал” компанийн захирал Б.Батдэлгэрт “Манайх спорт заал буюу 4-5 дугаар давхраа бариулахаа болихоор шийдсэн. Учир нь гурван давхраас дээш давхар барилга баривал “Жигүүр Гранд”-ын барилгыг манай өргөтгөл хаах юм байна. Тиймээс эхний ээлжинд бид гурван давхар барилга бариад, сүүлд нэмэх шийдвэр гаргасан. Та нар барилгаа гурван давхар болгож өөрчил” гэсэн байна. Захиалагч байгууллагаас ийм шийдвэр гарсан тул гүйцэтгэгчид хүлээн зөвшөөрч, харин барилгын зураг төсөл болон шаардлагатай өөрчлөлтүүдэд орох төсөв, зардал болоод тасалдаад байсан санхүүжилтыг даруй шийдэж өгөхийг хүссэн байна. Гэтэл “Сант” сургуулийн зүгээс уг хүсэлтэд хариу өгөөгүй байна. Харин “Барилгад шаардлагатай материалыг компаниудаас түр зээлж, ажлаа үргэлжлүүлж бай. Бид үе шатны санхүүжилтыг 50, 50 хувиар тооцон хийнэ” гэсэн байна. Иймд “Бүрэн цутгамал” компани барилгад шаардлагатай бараа материалыг хэд хэдэн компаниас зээлэн, ажлаа үргэлжлүүлсэн байна. Гэвч санхүүжилт заасан хугацаандаа орж ирэхгүй хэвээр байжээ. Наймдугаар сарын 12-ны өдөр гуравдугаар давхрын цутгалтаа эхлүүлсэн байна. Цутгалт хийж байтал мөн л гаднаас барилгын салхивчийн ажлыг хийнэ гэсэн хүмүүс ирсэн байна. Ингээд “Бүрэн цутгамал” компанийн удирдлагууд “Сант” сургуулийн захиралтай уулзах гэсэн боловч хүлээж аваагүй байна. Гэрээгээ зөрчиж байгааг дахин сануулахад “Тэгвэл гэрээгээ цуцал, явцгаа” гэсэн байна. Барих ёстой барилгаа бараг дуусгах гэж байсан учраас ажлаа үргэлжүүлэх шийдвэр гаргаж, цутгалтаа үргэлжүүлсэн байна. Ингээд барилгын ажил 85 гаруй хувьтай болсон байна. Энэ үед санхүүжилтын мөнгө огт өгөхгүй болсон байна. Гэвч ажлаа дуусгаад хүлээлгэж өгөхөд мөнгөө өгөх байлгүй гэж итгэн ажлаа үргэлжүүлсээр байсан аж. Ингэж байтал нэг өдөр барилгын талбайд гадны хүмүүс орж ирээд, “Ажлаа боль, бид гүйцээнэ. Өнөөдрөөс бид гүйцэтгэгч болсон” гэсэн байна. Ингээд захиалагч талын удирдлагуудтай “Бүрэн цутгамал” компанийн удирдлагууд уулзаж, учир байдлыг тодруулах гэхэд “Та нар заасан хугацаандаа ажлаа гүйцэтгэж дуусгахааргүй байна. Тиймээс танай компанитай байгуулсан гэрээг цуцалж, өөр компаниар гүйцэтгүүлэхээр болсон” гэсэн байна. Мөн барилгын талбай дээрээс багаж, тоног, төхөөрөмжүүдээ авахыг сануулжээ. Барилга гүйцэтгүүлэхээр хийсэн анхны гэрээнээс хойш нэг ч удаа албан бичиг болон уулзалт хийгээгүй “Сант” сургуулийн удирдлагууд ажилчдын хөлс болон зээлээр авсан бараа, материалын төлбөр болох нийт 500 гаруй сая төгрөгийг өгөхгүй гэдгээ мэдэгдсэн байна. Бүр “Чаддаг юм бол шүүх, цагдаагаар яваад аваарай. Бид танил ихтэй шүү” хэмээн басамжилсан аж.
“Сант” сургуулийг шүүхэд өгөх үед тэд “Бүрэн цутгамал” компанийн захирал Б.Батдэлгэрийг залилангийн хэргээр цагдаад өгсөн байжээ
Сургуулийн өргөтгөл болон спорт заалны ажлаас бараг хийхээр юм үлдээгүй байсан бөгөөд хэдэн цонх, хаалга, дотор заслын жижиг сажиг юм үлдээд байхад нь “Бүрэн цутгамал” компанийг талбай дээрээсээ ийнхүү хөөсөн байдаг. Ингэхдээ ажилчдын ажлын хөлс болоод барилгад шаардлагатай зээлээр авсан материалын төлбөр болох 500 гаруй сая төгрөгийг төлөхгүй хэмээсэн учир “Бүрэн цутгамал” компанийн удирдлагууд “Сант” сургуулийн захирал Д.Зургаанжинг Сүхбаатар дүүргийн шүүхэд өгсөн байна. Шүүхэд өгөөд удаагүй байтал “Бүрэн цутгамал” компанийн захирал Б.Батдэлгэрийг Сүхбаатар дүүргийн цагдаагийн хэлтсээс “Танд залилангийн хэргээр эрүү үүсгэсэн. Ирж мэдүүлэг өгнө үү” гэсэн байна. Улмаар хэн, ямар учраас өгснийг нь тодруулахаар тус цагдаагийн хэлтэст очиход “Сант” сургуулийн захирал Д.Зургаанжин Б.Батдэлгэрийг “Сургуулийн өргөтгөл барина гэж 1.1 тэрбум төгрөг авсан хэрнээ юу ч хийгээгүй тул шалгаж өгнө үү” хэмээн гомдол гаргасан байна. Улмаар уг хэрэг шалгагдаж, нэлээдгүй хугацаанд шүүх, цагдаагийн байгууллагад дуудагдсаны эцэст прокуророор уг хэргийг үндэслэлгүй хэмээн үзэж, хэрэгсэхгүй болгосон байна. Гэтэл “Сант” сургуулийн захирал Д.Зургаанжин прокурорт гомдол гаргаж, “Чанаргүй барилга барьсан гэх хэргээр “Бүрэн цутгамал” компанийн захирал Б.Батдэлгэрийг дахин шалгуулахаар болсон байна. Тус компани өргөтгөл болон спорт заал барих явцдаа “Сант” сургуулиас нийт1.1 тэрбум төгрөгийн санхүүжилт авсан байна. Мэдээж дээрх мөнгөөр барилгыг заасан норм журмын дагуу 85 хувьтайгаар барилгыг барьчихсан. Гурван давхар барилгыг барихад дээрх мөнгө тэр чигтээ орно гэдгийг олон жил барилга барьж байгаа хүмүүс мэдэх биз ээ.
“Бүрэн цутгамал” компани тэрбум гаруй төгрөгийн татвар улсад төлжээ
Өнгөрсөн хугацаанд орон сууцны 173'000 м.кв, гражийн 33'000 м.кв, оффиссын 15'128 м.кв, зочид буудлын 2'097 м.кв, хаусны 1'612 м.кв барилга, байгууламж барьсан байна. “Твин парк”-аас эхэлсэн “Бүрэн цутгамал” компанийн ажилчдын бүтээн байгуулалт нэлээд тоотой болоод байна. Тухайлбал, “Кристал таун” буюу 535 айлын найман блок, 16 давхар орон сууцыг 2008-2012 онд, 2012-2014 онд “Эмералд резиденс” хотхоны 16 давхар 12 блок орон сууцны барилгаас гадна “Embassy tower” оффис бүхий үйлчилгээний төвийн барилга, “Кореa таун” орон сууц зэрэг цөөнгүй бүтээн байгуулалт хийгээд байна.
Б.Ганболд: Үйлчлүүлэгч маань хийсэн ажлынхаа хөлсийг гүйцэд аваагүй хэрнээ өөрөө шүүх, цагдаад шалгагдаж, байнгын сэтгэлзүйн дарамтад байгаа
Уг хэрэг ямар шатандаа явж байгаа талаар тус компанийн өмгөөлөгч Б.Ганболдоос тодрууллаа.
-“Бүрэн цутгамал” ХХК болон “Сант” сургуультай холбоотой асуудал шүүхийн байгууллагад хэлэлцэгдэж байгаа юм байна. Энэ талаар та тодорхой мэдээлэл өгөөч?
-“Бүрэн цутгамал” компани “Сант” сургуулийн өргөтгөлийн барилгыг 2013 оны зургадугаар сарын 6-ны өдрөөс албан ёсны гэрээгээр барьж эхэлсэн байдаг. Гэтэл “Сант” сургуулийн удирдлагууд удаа дараа гэрээгээ зөрчсөн үйлдэл гаргаж, тэр бүртээ “Бүрэн цутгамал” компанитай “Гэрээгээ цуцална шүү, ажлаа үргэлжлүүл” гэсэн байдлаар хандсан байгаа юм. Гаргасан хөрөнгө мөнгө дээр нь ажилчид, туслан гүйцэтгэгчдийнхээ өмнө хүлээсэн үүрэг, хариуцлагаа бодоод “Бүрэн цутгамал” компанийн удирдлагууд тухай бүрт ойлголцлын байдлаар хандаж, ажлаа үргэлжлүүлсэн байдаг. Гэвч “Сант” сургуулийн удирдлагууд гэрээний хугацаа дуусаагүй байхад тус компанид мэдэгдэлгүйгээр гүйцэтгэгчээ сольж, гэрээг цуцлах болсноо мэдэгдсэн. Улмаар “Бүрэн цутгамал” компани ч гэрээгээ цуцлах санал гаргаж, гүйцэтгэсэн ажлын хөлс болон барилгад зээлээр авч хийсэн байсан барилгын материалын төлбөр зэрэг нийт 500 гаруй сая төгрөгийг “Сант” сургуулиас 2013 оны аравдугаар сард нэхэмжилсэн байдаг. Гэвч тус сургуулийн удирдлагуудаас “Энэ мөнгийг өгч чадахгүй. Явдаг газраараа яваад олж ав” гэсэн байдлаар хандсан байсан. Тиймээс “Бүрэн цутгамал” компанийн удирдлагууд “Сант” сургуулийн захирал Д.Зургаанжинд 500 сая төгрөгийн нэхэмжлэл гаргаж, Сүхбаатар дүүргийн шүүхэд өгсөн. Одоогоор уг хэргийг түр түдгэлзүүлсэн байдалтай байна.
-Ямар учраас түдгэлзүүлээд байгаа юм бол?
-“Бүрэн цутгамал” компанийн гүйцэтгэлийн явцад хийсэн хөрөнгө оруулалтад шинжээчийн үнэлэлт, дүгнэлт гаргуулахаар хэргийг түр түдгэлзүүлсэн байгаа. Шинжээчийн дүгнэлт гарвал шүүх хурал болох байх.
-“Сант” сургуулийн удирдлагууд тус компанийг болон захирал Б.Батдэлгэрийг мөн шүүхэд өгсөн гэсэн. Ямар үндэслэлээр өгөөд байгаа юм бол?
-Биднийг шүүхэд хандаад удаагүй байхад Сант сургуулийн удирдлагуудын зүгээс “Бүрэн цутгамал” компани залилан хийсэн, чанаргүй барилга барьсан, шударга өрсөлдөөний тухай хуулийг зөрчсөн гэх мэт үндэслэлээр Сүхбаатар дүүргийн цагдаагийн хэлтэс, ШӨХТГ, Эрүүгийн цагдаагийн газар, УМБГ-т өргөдөл, гомдол гаргачихсан байсан. Эрүүгийн цагдаа болон УМБГ-аас уг асуудлыг харъяа бус гээд хүлээж аваагүй байсан. Харин Сүхбаатар дүүргийн цагдаагийн газраас уг хэрэгт эрүү үүсгээд, шалгасан. Өөрөөр хэлбэл манай үйлчлүүлэгч хийсэн ажлынхаа хөлсийг гүйцэт аваагүй хэрнээ өөрөө шүүх, цагдаад шалгагдаж, байнга очиж байцаалт, мэдүүлэг өгөхөөс эхлээд маш их дарамт, шахалтад орсон. Ингэж шалгагдсаар прокурорт хэрэг шилжиж, шалгагдахад “Энэ бол залилангийн хэрэг биш. Үндэслэлгүй” гээд хэргийг хэрэгсэхгүй болгосон. Гэтэл дахиад чанаргүй барилга барьсан гэсэн үндэслэлээр прокурорт гомдол гаргаж, прокуророос энэ хэргийг шалга гэсэн үүргийг Сүхбаатар дүүргийн цагдаагийн газарт өгч, дахиад эрүүгийн хэрэг үүсгэн шалгаж эхэлсэн. Энэ асуудал одоо үргэлжилж байна. Гэхдээ гүйцэтгэгч байгууллагын хувьд чанаргүй барилга барьсан асуудал бол байхгүй. Үүнд бид санаа зовохгүй байгаа. Шалгах байгууллагууд нь шалгаад асуудлыг үнэн зөвөөр гаргаад ирэх байх. Мөн “Сант” сургуулийн удирдлага “Бидэнд учирсан хохирлыг “Бүрэн цутгамал” компаниас гаргуулна уу” гэсэн сөрөг нэхэмжлэл гаргасан байгаа. Уг нэхэмжлэлд манайд ийм ийм хохирол учруулсан гэх тодорхой бус зүйлс нэрлээд 530 гаруй сая төгрөг нэхэмжилсэн байсан. Гэсэн атлаа үндэслэлүүдээ тодорхой гаргаж, шүүхэд тайлбарлаагүй байсан.
-Тодорхой бус нэхэмжлэл гэдгээс заримыг нь дурдаж болох уу?
-Тухайлбал, “Барилгад осол аваарын шат хийгдээгүй. Тиймээс аваарын шатны 95 сая төгрөгийг “Бүрэн цутгамал” компаниас гаргуулж өгнө үү” гэсэн байгаа юм. Энэ нь “Сант” сургууль аваарын шат хийх мөнгийг нь өгөөд байхад “Бүрэн цутгамал” компанийн ажилтнууд шатыг хийгээгүй бол нэхэмжилж болох асуудал гэх мэт үндэслэлгүй олон нэхэмжлэл гаргасан байна лээ. Нэхэмжлэлийнхээ шалтгааныг ч тайлбарлаж чадаагүй юмс олон байсан. Үүнийг бид цаг хугацаа хожих гэсэн, “Бүрэн цутгамал” компанид олгох ёстой 500 орчим сая төгрөгийг өгөхгүй байх арга хайж байна гэж харж байгаа. Хэрэг үнэн зөвөөр шийдэгдэх байх гэж найдаж байна.
М.НЭРГҮЙ