Контейнер өндөр зэрэглэлийн зочид буудал болжээ

Контейнер өндөр зэрэглэлийн зочид буудал болжээ
Хятадын Шаньси мужийн өмнөд хэсэгт зөвхөн контейнер бүхий багахан хотхон бий. Уг хотхон нь амрагчдад зориулсан зочид буудал гэнэ. Энэ нь эртний түүхт Жан улс хэмээх газар бөгөөд таван ялагдагчийн газар ч гэж нэрлэгддэг байжээ.  Залуу халуу насандаа эх орноосоо зугтан гарсан цэргийн жанжин нэлээд их зовсоны эцэст нутагтаа ирэн Жан хэмээх жижигхэн улсыг байгуулан амьдарсан газар гэх түүхтэй учир  уг буудлыг "Жан зочид буудлын улс" гэж нэрлэжээ.
Жан улс 35 контейнерээс бүрдэх бөгөөд өндөр барилгууд бүхий их хотын дунд амьдарч байсан хүмүүст амар амгаланг мэдрүүлэх газар гэсэн уриатай.

Зарим хэсэгт нь контейнерийг залгуулан өргөтгөсөн бол зарим хэсэгт нь дангаар нь засч тохижуулжээ. Үнэхээр ч энэ газар хөдөөх тосгон мэт боловч контейнеруудынх нь дотоод засал өндөр зэрэглэлийн ямар ч зочид буудлаас дутахааргүй аж. “Жан” зочид буудлын улс 5000 м/кв талбайг эзлэн оршдог байна. Мөн гадна тохижилт, гэрэлтүүлэг зэргээрээ зочдын ташаалыг хүлээх бөгөөд хамгийн чухал нь хоолны амт жуулчдыг дахин ирэх үндэс болдог байна.   









Холбоотой мэдээ