Ажлын хэсгийн эхний уулзалт Барилга хот байгуулалтын яаманд өнөөдөр болж, Эрүүл мэндийн яам, Хөдөлмөрийн яам, Мэргэжлийн хяналтын ерөнхий газар, Нийслэлийн засаг даргын тамгын газар, Барилгын хөгжлийн үндэсний нэгдсэн төв, Барилгачдын холбоо, Барилгын ассоциаци, Барилгачдын үйлдвэрчний эвлэл зэрэг төрийн болон төрийн бус байгууллагын холбогдох албан тушаалтнууд оролцлоо. Цаашид салбарын бодлого боловсруулах, шийдвэр гаргах үйл явцад төрийн бус байгууллагуудыг татан оролцуулж, саналыг нь тусгана гэдгээ илэрхийлэв. Талууд барилга угсралтын ажилд хөдөлмөрийн аюулгүй байдал, эрүүл ахуйн шаардлагыг хангуулах, үйлдвэрлэлийн ослоос урьдчилан сэргийлэх, хариуцлагын тогтолцоог боловсронгуй болгох зэрэг асуудлаар санал солилцлоо.