Энэ оны, Европын шилдгийн шилдэг хотоор Голландын хоёр дахь том хот болох Роттердам шалгарлаа. “Хотжилтын Академи” байгууллагаас “Хотжилт - Шагнал Гардуулах” Ёслолын ажиллагааг зохион байгуулдаг бөгөөд Европ улсын номер нэг хотоор ийнхүү Роттердам шалгарлаа.

Шилдгийн шилдэг номинацид Данийн Аархус, Италийн Турин хотууд нэр дэвшсэн ч Роттердам харьцангуй залуу хот ч архитектур, хот төлөвлөлт, тохижилт талдаа хамгийн санаачлагатайгаар хөгжиж, бизнесийн шинэ моделийг амжилттай хэрэгжүүлж байгаа гэдэг давуу талаараа дээрх хоёр хотыг ардаа орхижээ.  


Роттердам хотыг шилдгээр шалгарахад нөлөөлсөн бас нэгэн хүчин зүйл нь засаг захиргааны зөв тогтолцоо, хөгжлийн зөв хандлага юм. Үүний нэг илрэл нь хотын захирагч улс төрөөс тусдаа байж, ямар нэг намд харьяалалгүй, харин иргэд болон бизнесийн байгууллагуудтай нягт уялдаа холбоотой ажилладаг. “Хотжилтын Академийн Тэргүүн Стивин Бий хэлэхдээ “Энэ хотыг эрчимтэйгээр өсөн дэвжихэд нэн тэргүүнд нөлөөлж буй зүйл нь урт хугацааны хэтийн төлөвлөгөө, хараат бус, бие даасан байдал, хотын захиргаа, хотын удирдлага нь манлайлал үзүүлж чаддаг. Түүнчлэн олон нийт, хувийн хэвшлийнхний хоорондын харилцаа нягт, үр дүнтэй байдагт оршиж байгаа юм” хэмээн онцолжээ.

Шилдэг Академичдийн шүүлтээр шалгаруулдаг тус номинацид ганцхан архитектурын шийдлээр биш нийгэм, эдийн засаг, байгаль орчны асуудал төдийгүй сайн засаглал, худалдаанаас олж байгаа ашгийг нь ч харгалзан үздэг ажээ.