ЛОГО БҮХЭН УТГАТАЙ

ЛОГО БҮХЭН УТГАТАЙ
 
Бидний сайт уншигч та бүхэндээ барилгын салбартай холбоотой бүхий л төрлийн мэдээ мэдээллийг хүргэхийг зорин ажилладаг. Энэ салбартай салшгүй нэгэн ойлголт бол дизайн. Тэгвэл энэ удаа бид дэлхийн алдарт брэндүүдийн логоны дизайн,  бэлэг тэмдгийг сонирхуулахаар шийдлээ.
Цаанаа бүгд л утга учир агуулсан байдаг юм байна. Шинээр байгуулагдаж байгаа компани, брэндүүд эндээс санаа авахад гэмгүй.
  1. Митцүбиши брэнд
Митцүбишигийн лого нь Японы алдарт Тоса бүлэглэлийн залааг илтгэсэн гурван хэлхээст навч болон Ивасаки буюу Митцүбиши брэндийн үндэслэгчийн гэр бүлийн гурван алмазан залааг нэгтгэсэн утгатай.

  1. Кока Кола
Дэлхийн алдарт Кока Кола брэндийн нэрэн дундах “о” үсэг нь Дани улсын далбаа. Энэ нь анхнаасаа тэдний санаачилсан зүйл биш байж. Харин логогоо зохиосны дараа Кока Колагийнхан Данийн далбаатай төстэйг анзааран тус улсын хамгийн том нисэх онгоцны буудалд зорчигчдыг Дани улсын далбаатай хүлээн авсан буюу хэвлэлийнхний анхаарлыг татсан томоохон ПР-ын ажлыг зохион байгуулж байжээ.

  1. Амазон
Амазоны лого бол үнэндээ инээж байгаа царай огтхон ч биш. Харин таны харж байгаа энэхүү улбар шар сум нь Англи хэлний А-Z хүртэлх үсгийг холбон харуулж байгаа хэрэг. Энэ нь Амазон танд А-Я хүртэлх бүх төрлийн бүтээгдэхүүнийг санал болгон, ийм л өргөн хүрээнд үйл ажиллагаа явуулдаг гэсэн утгыг илэрхийлж байгаа юм.

  1. FedEx
Алдарт FedEx брэндийн логог зүгээр ч хоёр өнгөөр бүтээсэн биш аж. Энэ компаний логог нэлээн ойроос сайтар анзаарвал Е болон х үсгийг нийлүүлсэн дунд чиглэсэн сум харагдана. Энэ нь тэднийг үргэлж урагш тэмүүлж байхыг бэлэгдсэн тэмдэг.

  1. LG
Хэдийгээр L үсгийг тойрсон тойрог бүрэн гүйцэд биш ч гэсэн G үсгийг харуулж байгаагаараа онцлог.

  1. VAIO
VAIO брэндийн эхний хэсэг нь аналог буюу загварчлалын системийг харуулдаг бол хоёр дах хэсэг нь хоёр хос тоог илэрхийлдэг.

  1. Спартан
Дэлхийн Гольфийн алдарт клуб болох “Спартан” клубын лого нь гол хэсэгтээ гольф тоглогчийг өвөрмөц дүр төрхөөр шингээн харуулсан нь аргагүүй л ухаалаг шийдэл.

  1. Тоёота
Тоёота брэндийн бүх үсэг нь логон дотроо өөрсдөө байгаа.
 

 
 

 
 

Холбоотой мэдээ