Монголын анхны мэргэжлийн архитекторуудын нэг БНМАУ-ын Гавъят барилгачин Б.Дамбийнямын мэндэлсэний  90 насны ой энэ жил тохиож буй юм. Улсын их дэлгүүр, Урт цагааны барилга зэрэг тухайн цаг үедээ нийслэл хотод өнгө үзэмж нэмсэн барилга байгууламжуудын архитектурын зургийг гарган ажиллаж байсан энэ эрхэм хүний мэндэлсэний 90 насны ойг хүндэтгэн тэмдэглэх арга хэмжээний хүрээнд Монголын Архитектурын эвлэл /МАЭ/-ээс архитектур мэргэжилтэн бэлтгэдэг төрийн болон төрийн бус их, дээд сургуулиудын оюутан сурагчдын  дунд “Архитектур Б.Дамбийнямын уран бүтээл ” сэдэвт уралдааныг зохион байгуулж байна.
Энэхүү уралдаан нь Монгол улсын архитектур хот байгуулалт, боловсролын салбарт тодорхой хувь нэмэр оруулсан архитектор Б.Дамбийням агсаны уран бүтээлийг дэлгэн  үзүүлэх олон нийтэд сурталчилан таниулах зорилготой бөгөөд уралдаанд оролцохыг хүсэгчдэдийн материалыг ирэх сарын 9-ний өдрийг хүртэл МАЭ-ийн байранд хүлээн авч байгаа юм байна. Үзэсгэлэнд оролцогчдын бүтээлийн үзэсгэлэнг мөн ирэх сарын 14-ний өдөр МАЭ өөрийн үзэсгэлэнгийн танхимдаа  дэлгэн үзүүлэх гэнэ.