Зам тээвэр, барилга хот байгуулалтын сайд хэн бэ?

Зам тээвэр, барилга хот байгуулалтын сайд хэн бэ?
      Засгийн газрын бүтэц бүрэлдэхүүнд өөрчлөлт орж, яамууд нэгдэх нь нэгэнт тдорхой болсон.  Харин нэгдэж буй яамдыг хэн толгойлох нь олны анхаарлыг татаж буй юм.  Улсын Их Хурлын дарга З.Энхболдод өнөөдөр Улсын Их Хурлын гишүүн, Засгийн газрын гишүүн, Засгийн газрын хэрэг эрхлэх газрын дарга Ч.Сайханбилэг  Засгийн газрын гишүүнийг томилох, чөлөөлөх тухай Улсын Их Хурлын тогтоолын төсөл өргөн барьсан байна.
Монгол Улсын Засгийн газрын гишүүн, Сангийн сайдаар Улсын Их Хурлын гишүүн Дашзэвэгийн Зоригтыг;  Монгол Улсын Засгийн газрын гишүүн, Гадаад харилцаа, эдийн засгийн хамтын ажиллагааны сайдаар Лүндэгийн Пүрэвсүрэнг;  Монгол Улсын Засгийн газрын гишүүн, Уул уурхай, эрчим хүчний сайдаар Рэнцэндоогийн Жигжидийг томилон ажиллуулахаар өргөн мэдүүлсэн аж.
      Түүнчлэн Чүлтэмийн Улааныг Монгол Улсын Засгийн газрын гишүүн, Сангийн сайдын үүрэгт ажлаас Лувсанвандангийн Болдыг Монгол Улсын Засгийн газрын гишүүн, Гадаад харилцааны сайдын; Цэвэлмаагийн Баярсайханыг Монгол Улсын Засгийн газрын гишүүн, Барилга хот байгуулалтын сайдын; Амаржаргалын Гансүхийг Монгол Улсын Засгийн газрын гишүүн, Зам тээврийн сайдын, Даваажавын Ганхуягийг Монгол Улсын Засгийн газрын гишүүн, Уул уурхайн сайдын; Нямжавын Батбаярыг Монгол Улсын Засгийн газрын гишүүн, Эдийн засгийн хөгжлийн сайдын; Мишигийн Сономпилийг Монгол Улсын Засгийн газрын гишүүн, Эрчим хүчний сайдын албан тушаалаас тус тус чөлөөлүүлэхээр өргөн барьжээ.
Харин “Шударга ёс” эвсэлээс томилогдох сайд нарын нэрсийг хараахан өргөн бариагүй байна.

Холбоотой мэдээ