Монголын барилгын салбарынхан хүйтний улиралд ч барилга барина

Монголын барилгын салбарынхан хүйтний улиралд ч барилга барина
Барилгын салбарынханд тулгардаг хамгийн том бэрхшээл бол хүйтний улирал. Барилгын ажил хавар 4-р сараас эхэлж, дээд тал нь 11-р сарыг хүртэл үргэлжилдэг. Учир нь одоо манайд ашиглаж байгаа технологи нь нойтон буюу карказан үйлдвэрлэл учраас хүйтний улиралд барилгын үйлдвэрлэл явагдах боломжгүй болдог. Тиймээс өвлийн улирлын сул зогсолтын хэмжээгээр бүтээн байгуулалтын явц удааширч, тэр хэмжээгээр үргүй зардал урссаар байдаг нь үнэн юм.
Харин уг асуудлыг шийдэх угсармал бетон хана хийцийн үйлдвэрийг дотооддоо бий болгохоор “Гранд байшин” ХХК Герман технологийн “WEILER” үйлдвэрийг нэвтрүүлж, энэ 10-р сарын 10-ны өдөр албан ёсны нээлтээ хийх гэж байна.
Шинээр нээгдэх үйлдвэр нь жилийн аль ч улиралд бүтээгдэхүүнээ үйлдвэрлэх учраас улирлын хамаарлаас ангид байж, хүйтний улиралд ч барилгын ажил явагдах нөхцлийг бүрдүүлэн барилга угсралтын өртөгийг хамгийн багадаа 25%-аар бууруулж, хямд өртгөөр чанартай барилга, орон сууцыг улирлын хамааралгүйгээр барих боломжийг олгохоороо давуу талтай.
“Weiler” нь жилд 200,000 м2 барилгад шаардлагатай ханын болон бусад хавтангуудыг үйлдвэрлэх хүчин чадалтай бөгөөд дээврийн болон давхар дундын хучилтын хавтан, гадна болон дотор ханын гулдмай хавтан, дам нуруу, багана, шат үйлдвэрлэх иж бүрэн тоног төхөөрөмжтэй, бетон зуурмагийн үйлдвэртэй, олон улсын стандартад нийцсэн лабораторитай, бүрэн автоматжсан цогц үйлдвэр бөгөөд өдөрт 40ш хучилтын хавтан, 10ш гадна ханын даацын хавтан, 10ш дотор ханын хавтан, 16ш дам нуруу болон багана, 2ш шат үйлдвэрлэх хүчин чадалтай юм.
 

Weiler технологи нь хавтангуудыг бетон бүхий холбоосоор холбож өгөхөөс гадна дулаалгыг маш сайн, чанарын өндөр түвшинд хийж дулаан алдалтын асуудлыг оновчтой шийдэж чадсанаараа угсармал барилга өвөл хүйтэн гэсэн ойлголтыг үгүйсгэж, энэ тал дээр 100 хувийн баталгаа өгч байна.
Бүтээгдэхүүний чанарын болон хадгалах тээвэрлэх стандарт нь Монгол улсын MNS1070-2009, MNS3602-83, MNS5772-2011, MNS1008-82 чанарын стандартын шаардлагыг бүрэн хангасан  “Weiler” компанийн тоног төхөөрөмжийг дэлхийн 43 улсад хэрэглэж, 68 давхар барилга барьжээ.  Ийм технологийн барилга газар хөдлөлтийн 8 баллд тэсвэртэйгээрээ бас нэгэн онцлогийг бий болгож чадсан.


Тус үйлдвэр ашиглалтанд орсноор 150 ажлын байр шинээр бий болж улс эх орны маань нийгмийн хөгжилд бас нэгэн чухал нөлөөг үзүүлэх нь.
Weiler үйлдвэр нь цаашид дан ганц байшин үйлдвэрлэх бүтээгдэхүүнийг үйлдвэрлээд зогсохгүй ирээдүйд бүтээгдэхүүний нэр төрлийг олшруулж, бүх төрлийн бетон хана, хашаа, замын хашлага, төмөр замын дэр бетон, үерийн далан, хурдны зам болон нисэх онгоцны хатуу хучилттай замын үйлдвэрлэлийг явуулах бүрэн боломжтой ажээ.
Тиймээс  манай орны бүтээн байгуулалтын  хөгжил  дэвшилд үнэтэй хувь нэмэр оруулах чухал ач холбогдол бүхий нэгэн үйлдвэр цогцлон бий болж, Монголын барилгын салбарт их бүтээн байгуулалтын хүчит давалгааг авчирч байна.

Үйлдвэрлэлийн зураг


 
 





 

Холбоотой мэдээ