“Буянт-Ухаа1” хорооллын 547 айл гэрчилгээгээ авчээ

“Буянт-Ухаа1” хорооллын 547 айл гэрчилгээгээ авчээ
       “Буянт-ухаа 1” хорооллын 1764 айлын орон сууцанд захиалга өгсөн иргэдээс өнөөдрийн байдлаар материалаа бүрэн бүрдүүлсэн 713 иргэний орон сууцны үл хөдлөх эд хөрөнгийн өмчлөх эрхийн гэрчилгээг гаргуулан тодорхойлолтыг “Төрийн орон сууцны корпораци”-аас  Хан-Уул дүүргийн эд хөрөнгийн бүртгэлийн хэлтэст хүргүүлжээ.
Үүнээс 547 иргэний гэрчилгээ гарсныг  бүртгэн, иргэд болон арилжааны банкинд хүлээлгэн өгсөн бөгөөд үлдсэн 166 иргэний үл хөдлөх эд хөрөнгийн гэрчилгээг  бүртгүүлэхээр судлаж байгаа гэнэ.
            “Төрийн орон сууцны корпораци” нь иргэдийн материалыг хүлээн авч, бүрдүүлэлтийг шалган, гэрчилгээ гаргуулах тухай албан бичгээр баталгаажуулан ажлын 3 хоногт багтаан ХУД-ийн  эд хөрөнгийн бүртгэлийн хэлтэст хүргүүлж,  улмаар Эд хөрөнгийн бүртгэлийн хэлтэс иргэдийн материалыг хуульд заасан хугацаа буюу ажлын 14 хоногт багтаан гэрчилгээг гаргаж  байгаа аж.

Холбоотой мэдээ