Хятад улс далай доорх хамгийн урт туннелийг барина

Хятад улс далай доорх хамгийн урт туннелийг барина
    БНХАУ-ын Төрийн зөвлөл далай доорх хамгийн урт туннель барих асуудлыг ойрын өдрүүдэд хэлэлцэхээр төлөвлөжээ. Төсөлд өгүүлснээр Бохай тэнгис доогуур баригдах туннель нь Лиаонинь мужийн Далиан хотоос Шандунь мужийн Янтай хотыг холбох аж.

 Хоёр хотын хооронд зорчиход найман цаг зарцуулдаг бөгөөд 1400 км зам туулдаг байна. Харин уг туннель баригдвал аяллын цаг 40 минут болох юм. 123 км-ийн урттай туннелийн төсөл 200-260 тэрбум юанийн (32.5-42.3 тэрбум ам.доллар) өртөгтэй. Хятадын инженерийн академийн мэргэжилтэн бөгөөд уг төслийн багийн дарга Ван Мэншу “Бид Төрийн зөвлөлд туннелийн төслийн холбогдох 12 зүйлтэй бичиг цаас хүргүүлсэн. Төслийг 2020 онд эхлүүлэхээр төлөвлөсөн” гэжээ. Дээрх аварга төсөл батлагдвал Японы "Сэйкан" болон Их Британи, Францыг холбосон "Чанель" туннелийг нийлүүлснээс ч урт далай доогуурх туннель босно.

 

Холбоотой мэдээ