Төрийн орон сууцны корпорацийн захиалгаар “Буянт-Ухаа-1” орон сууцны хороолол баригдаж, өнгөрсөн нэгдүгээр сард эхний байрууд ашиглалтад орж байсан. Тэгвэл тус байранд захиалга өгч азтан болсон иргэдэд өнөөдөр 11.40 цагт түлхүүр гардуулахаар болжээ. Дээрх арга хэмжээ тус хороололд болох юм байна.

Эхний удаад 1764 айлын орон сууц ашиглалтад орсон. Үүнээс 300 орчим нь эзэнгүй байгаа юм. Түүнийг төрийн албан хаагчдад квотын шугамаар олгоно гэдгээ Ерөнхий сайд өмнө нь мэдэгдсэн тул азтануудын нэгэн адил мөн өнөөдөр байрны түлхүүрээ гардуулна.