Төрийн албан  хаагч болон ахмад настнуудыг хямд өртөгтэй орон сууцаар хангах зорилгоор "Буянт-Ухаа 1" хорооллыг барьсан. Уг хорооллоос байр авах хүмүүсийг сугалаагаар тодруулсан бөгөөд зарим байр нь буцаагдсан билээ. Тэгвэл тэрхүү 300 байрыг бэлэн мөнгөөр худалдаалахаар болсон гэх мэдээлэл цацагдаад байгаа. Үүнийг ТОСК болон Засгийн газар үгүйсгэж байгаа юм. Өмнө нь "Буянт-Ухаа 1" хорооллын байруудыг 15 жилд түрээслэх, худалдаалахыг хориглосон, хатуу нөхцөлтөйгөөр урт хугацааны, бага хүүтэй зээлээр олгоно гэж байсан. Тэгвэл борлуулагдаагүй байгаа 300 байрыг 15 жилийн нөхцөлгүйгээр, бэлэн мөнгөөр шууд худалдаалахаар болсон гэдэг мэдээллийг албаны хүмүүс үгүйсгэж байна.