Барилгын салбарын шинэ соргог мэдээ,  мэдээлэлтэйгээр уншигч та бүхний гар дээр сар тутам очдог  “Барилга.МН” сэтгүүлийн шинэхэн дугаар худалдаанд гарлаа.
Энэ сарын шинэ дугаараас хот төлөвлөлтийн салшгүй нэг хэсэг болсон ландшафт  буюу хотын ногоон байгууламжийн талаар “Тэсч үлдсэн 5 %-ийн талаар хэлэх хэдэн үгс” асуудал хөндсөн нийтлэлийг уншаарай.

Түүнчлэн  уг сэдвээр мэргэжлийн хүмүүс санал бодлыг тусгасан ярилцлагуудыг хамтад нь нийтэлж өгсөн нь уншигчдад нийслэлийн ногоон байгууламжийн талаар цогц мэдээлэл авахад туслах болов уу?
         Мөн шинэ дугаарт маань барилгын салбарт амжилттай үйл ажиллагаа явуулж байгаа компаниудын төлөөлөл болгож “Химон констракшн” ХХК-ийн захирал Ш.Энхтөртэй ярилцсан бөгөөд тэрбээр ажил, амьдралынхаа талаар бидэнд дэлгэрэнгүй хуучилсантай уншиж танилцаарай.

Японд суралцаж, Японы төсөл хөтөлбөрүүдийг Монголдоо хэрэгжүүлж буй залуу бизнесмэний яриа танд таалагдах биз ээ.
         Уламжлал ёсоор барилгын салбарт шинээр нэвтэрч байгаа дэвшилтэт техник, технологийн талаарх танилцуулагаа ч бэлдсэн бөгөөд энэ удаа усанд зуурч, гараар түрхэн ханаа гоёх боломжтой шингэн обойг онцолсон юм.

Монголд нэвтрээд төдийлөн удаагүй байгаа шингэн обойг хаанаас худалдан авч, хэрхэн хэрэглэхыг зөвхөн “Барилга.МН” сэтгүүлээс унших боломжтой юм. 
      Өвөрмөц содон хийцтэй байшин барилгууд, эко сууц мөн интерьер дизайны сүүлийн үеийн шийдлүүтэй давхар танилцаарай.


Мэдээж нийслэл хотод баригдаж байгаа шинэ орон сууцны хорооллуудын хамгийн сүүлийн үеийн үнэн бодит мэдээллийг багтаахаа ч бид мартаагүй бөгөөд барилгын материалын үнэ ханш ч бий.
“Барилга.МН” сэтгүүлийн 8-р сарын дугаар уншигч таныг уйдаахгүй гэдэгт итгэлтэй байна.