Үзэмжит модон сууц

Үзэмжит модон сууц
     Орчин үеийн хүмүүс олон үйл ажиллагааг нэгэн зэрэг хангах ухаалаг цахилгаан тоног төхөөрөмжийн эрин үед амьдарч байна. Бидний танилцуулахаар бэлтгэсэн амины орон сууцны загвар нь хүмүүсийн амьдралын олон хэв маягийг цогц байдлаар шийдэх ухаалаг төлөвлөлттэй юм.
      Уран барилгын “Батес Маси” студид ажил хэрэгч нэгэн гэр бүл  захиалга өгөхдөө гэртээ цэнгүүн зохион байгуулах үед хүүхдүүдийг зочдод саад учруулахгүйгээр тоглож наадуулах, мөн зочид гэр бүлийн амралтанд төвөг учруулахгүйгээр ирж, буцах зэрэг олон үйл явцыг бэрхшээлгүйгээр шийдэж байх байшин барьж өгөхийг хүсчээ.  Энэ хүсэлтийн дагуу сууцыг урдаас хойшоо харагдахуйц корридорын хэсэг гарган талбайг диаграммчилж 2 хуваасан. Сууцны нэвт харагдах байдал нь олон үйл явцыг нэгэн зэрэг хянах боломжийг өгөх ба зочдод ч мөн тааламжтай байдлыг бий болгоно.
    Зандан модон хавтангаар шал, тааз болон ханыг бүрсэн ба хажуу хөршүүдээс тусгаарлаж өгсөн.
Өрөө тус бүр бие даасан аудио, видео болон цаг уур хянагчтай. Мөн өрөө тус бүрийн урт, өндрийн хэмжээг үйлчлүүлэгчийн хүсэлтийн дагуу зохион байгуулсан.
Интерьерийн хувьд ховор материал болох италийн цагаан шохойн чулуугаар сууцны зарим хэсэг, террасыг шалласан. Гадна талын ханыг ч энэ материалаар өнгөлсөн ба ингэхдээ өлгөх систем ашиглажээ.
     Задгай зуух нь зочны болон хооллох өрөөг зааглах бөгөөд ахуйн хэрэглээ болон урлагийн бүтээлийн хослол болсон гэлтэй. Агааржуулагч хоолойг хүрлийн өнгөөр тойруулан өнгөлсөн ба түүгээр нарны гэрэл шууд тусна.
     Энэхүү үзэмжит сууц нь тухайн гэр бүлийг өөрсдийн завгүй амьдралын хэв маягийг үргэлжлүүлэхийн хамтаар амралт, зугаа цэнгэлийг хүртэх боломжийг давхар олгож байна.
 

Холбоотой мэдээ