Байгальд ээлтэй орон сууц Нүхтэд баригдана

Байгальд ээлтэй орон сууц Нүхтэд баригдана
   Олон улсын барилга, загвар төслийн Gradon Architecture компани манай улсад  50 айлын таун сууц барьж өгөхөөр зураг төслийн саналаа Засгийн газарт өгсөн байна. Нарны зайгаар халдаг системтэй, дулаан цахилгааны алдагдлыг бууруулах талыг бодолцсон гурваас дөрвөн давхар орон сууцыг Нүхтэд барихаар төлөвлөжээ. Олон улсын архитектур, барилгын салбарын мэргэжилтнүүдээс бүрддэг Их Британид төвтэй тус компанийн ахлах архитектур Крис Эллен “ Зөвлөлт Холбоот улсын бүтээн байгуулалтаас хойш Улаанбаатарт гадаад, дотоодын олон компани барилга байгууламж барих болсон ихэнх нь хөөсөн дулаалга нь муу, давхар шиллэгээ нь нимгэн гэх мэт стандартын хувьд дутуу дулимаг хийх болсон. Эрс тэрс уур амьсгалтай, агаарын бохирдол ихтэй ийм орны хувьд нар усны эрчим хүчийг ашигласан технологийг нэвтрүүлэх цаг нь болсон” хэмээн ярьжээ. Австрали, Хятад, Афганистанд нийтийн орон сууцны чиглэлээр үйл ажиллагаа явуулдаг энэ компани нь манай улсад тансаг зэрэглэлийн барилгаар дагнах шинжтэй. Нүхтэд байгуулах 50 айлын орон сууц бүхий таун хаус хорооллолд спорт, үйлчилгээний цогцолборыг давхар багтаах юм.






 

Холбоотой мэдээ