Герман улс 2022 онд нарны эрчим хүчийг 100 хувь хэрэглэдэг болно

Герман улс 2022 онд нарны эрчим хүчийг 100 хувь хэрэглэдэг болно
       Байгальд ээлтэй эрчим хүчийг дэмжигч улсуудын нэг ХБНГерман улс энэ сарын 9-ний өдөр 23.1 гигаватт нарны эрчим хүчийг гаргаж авсан нь улсын нийт эрчим хүчний хэрэгцээний 50,6 хувийг хангаж, дээд амжилт тогтоосон байна.      
        Герман улс нь айл өрх, албан байгууллагын байшингийн дээврийг нарны энерги цуглуулагч хавтангаар бүрэхэд ихээхэн анхаарал хандуулдаг. Одоогоор тус орны байшин барилгуудын 90 орчим хувь нь нарны энерги цуглуулагч хавтан бүхий дээвэртэй.
        Мөн тус улс нь бүтэн 7 хоногийн хугацаанд нарнаас 1.26 киловатт цагийн эрчим хүчийг гаргасан нь өөр нэгэн дээд амжилтыг эвдсэн явдал болжээ. Нарны энерги цуглуулагч хавтанг ийнхүү түгээмэл хэрэглээ болгоход Засгийн газраас явуулж байгаа зар сурталчилгааны компанит ажлууд ихээхэн нөлөө үзүүлж байгаа аж.
         Германы засгийн газрын төлөвлөгөөний дагуу хийгдэж буй энэ ажлын хүрээнд нүүрс түлдэг эрчим хүчний станцууд болон цөмийн эрчим хүчний станцуудын ашиглалт буурч байгаа ба 2022 он гэхэд эдгээр станцуудыг бүрмөсөн хаахаар төлөвлөсөн байна.
      Гэвч нарны эрчим хүчийг улс даяар бүрэн ашигладаг болоход хүндрэлтэй асуудлууд цөөнгүй тохиолдож байгаа бөгөөд Засгийн газрын зүгээс үнийн өсөлтийг аль болох бууруулж, нарны хавтангийн хэрэгцээг хангах тал дээр анхааран ажиллахаар төлөвлөжээ.
 

Холбоотой мэдээ