Амрах бүхээг

Амрах бүхээг
           Оросын Arch Group хэмээх уран барилгын товчооны дизайнерууд нисэх онгоц, галт тэрэгний буудлууд болон бусад хүлээлгийн газруудад зорчих цагаа хүлээн урт хугацаагаар байрладаг хүмүүст хэрэгтэй нэгэн зүйлийг зохион бүтээсэн байна. Энэ нь Sleepbox нэртэй унтаж амрах зориулалт бүхий бяцхан бүхээг юм.  
      Шахмал модоор хийсэн, хоёр ор бүхий, цахилгааны залгуур болон гэрэлтүүлгээр хангагдсан энэ бүхээг үйлчлүүлэгчид тав тухтай унтаж амрах, олон нийтийн газарт ганцаараа байх боломжийг олгох аж. Зөвхөн нисэх онгоц, галт тэрэгний буудал төдийгүй албан байгууллагууд ч байрлуулахад тохиромжтой гэнэ.  Тус бүхээгийг захиалгаар хийлгэж болох бөгөөд тоо хэмжээнээсээ хамаараад хоёр сарын хугацаанд үйлдвэрлэдэг байна.  
 








 

Холбоотой мэдээ