Катар улсад 2022 онд Олон улсын хөл бөмбөгийн холбоо (FIFA)-ны дэлхийн цомын төлөөх тэмцээн явагдахаар болсон. Тэгвэл уг тэмцээн явагдах цэнгэлдэх хүрээлэнг барьж байгуулах төсөл дээр  Ирак-Британи гаралтай архитекторч Заха Хадид болон дэлхийн инженерчлэлийн АЕСОМ пүүсийнхэн хамтран ажиллаж байгаа аж.
   Аль Вакрах (Al Wakrah) хэмээх уг цэнгэлдэх хүрээлэнгийн загварыг  нутгийн загасчдын завины хэлбэрээс санаа авч гаргажээ. 2022 оны дэлхийн цомын төлөөх тэмцээнд зориулан 6  цэнгэлдэх хүрээлэн баригдах бөгөөд Аль Вакрах анхдагч нь болох юм.
      Энэхүү цэнгэлдэх хүрээлэн Катарын хамгийн эртний хүн суурьшсан газруудын нэг болох Доха хотоос урагш 15 км-ийн зайд  түүхэн боомт хотод сүндэрлэн босох гэнэ. 40,000 хүний суудалтай Аль Вакрах цэнгэлдэх хүрээлэнгийн барилгын ажил 2014 оны сүүлээр эхэлнэ.