Барилгын төслүүдтэй танилцлаа

Барилгын төслүүдтэй танилцлаа
    Засгийн газраас улс эх орондоо ашигтай, шинэ техник технологи нэвтрүүлж буй үйлдвэр, аж ахуйн нэгжүүдэд хөнгөлөлттэй зээлийг олгодог.
      Барилгын салбарт үйл ажиллагаа явуулж байгаа аж ахуй нэгж, компаниудын нэлээдгүй хэсэг нь   энэ зээлд хамрагдан амжилттай ажиллаж байгаа билээ. Харин уг зээлд хамрагдахын тулд  компаниуд багагүй шалгуурыг давах хэрэгтэй болдог бөгөөд өөрсдийн хэрэгжүүлж буй үйлдвэрлэл буюу төслөө юуны өмнө  харьяа яамны төсөл хариуцсан ажлын хэсэгт танилцуулдаг уламжлалтай.
     БХБЯ-ны Барилга, барилгын материалын бодлогын хэрэгжилтийн зохицуулах газрын дарга  Б.Цэдэнсамбаар ахлуулсан 17 гишүүнтэй ажлын хэсэг  саяхан төрөөс санхүүжилт хүсч буй барилгын төсөл хөтөлбөрүүдтэй танилцлаа. Энэ удаа 36 компани төсөл хөтөлбөрөө танилцуулсан бөгөөд яамны зүгээс Засгийн газраас баримталж буй бодлогод нийцсэн төслүүдийг сонгон “Хөгжлийн банк”-наас санхүүжилт авах эрхийг олгох юм.    Төрөөс санхүүжилт хүссэн төсөл хөтөлбөрийн нэн тэргүүний шалгуур нь “ Төсөл хөтөлбөрийг хэрэгжүүлэгч нь заавал монгол улсын иргэн байх, мөн нийт төслийн 40 хувийг гарган үйл ажиллагаа эхлүүлсэн байх” гэсэн заалт гэнэ. Мэдээж өөр олон тооны шалгуур үзүүлэлтүүд бий ч “Хэрэгжүүлж буй төсөл хөтөлбөр нь байгаль орчинд болоод хүний эрүүл ахуйд хор нөлөөгүй, өртөг бага, богино хугацаанд үр ашгаа өгөх, газарзүйн байршил зөв сонгогдсон” гэх зэрэг шалгууруудыг голчлон анхаарах юм байна.  

Холбоотой мэдээ