МОНГОЛ-СОЛОНГОСЫН БАРИЛГЫН САЛБАРЫНХАН ЧУУЛЛАА

  МОНГОЛ-СОЛОНГОСЫН БАРИЛГЫН САЛБАРЫНХАН ЧУУЛЛАА
         Энэ оны 03 дугаар сарын 10-12-ны өдрүүдэд БНСУ-ын нийслэл Сөүл хотноо “Монгол-Солонгосын барилгын салбарын хөрөнгө оруулалт, шинэ техик технологи” сэдэвт бизнес форум боллоо.
       Уг форумд Монголын талаас БХБ-ын сайд Ц.Баярсайхан, ББМҮБХЗГазрын дарга Б.Цэдэнсамба, Гадаад харилцааны хэлтсийн дарга Б.Мэндбаяр, Монгол улсаас БНСУ-д суугаа Онц бөгөөд бүрэн эрхэт Элчин сайд Б.Ганболд, ЭЗХЯ-ны Гадаадын хөрөнгө оруулалтын зохицуулалт бүртгэлийн газрын ахлах мэрэгжилтэн, МБМҮХолбооны гүйцэтгэх захирал О.Лхагвадорж, Ерөнхий нарийн бичгийн дарга Н.Оч, МҮХАҮТ-ын БНСУ дахь төлөөлөгч “Далайн салхи” нийгэмлэгийн тэргүүн Б.Батгэрэл  БНСУ-ын Газар, дэд бүтэц, тээврийн яамны удирдлагууд болон Солонгос, Монголын 150 гаруй бизнес  эрхлэгчид оролцлоо.
       БХБЯ-ны Газрын дарга Б.Цэдэнсамба Монголд хөрөнгө оруулалт хийх боломжтой төслүүдийн талаар, Дэд бүтэц төслийн танилцуулгыг БХБЯ-ны төслийн захирал Б.Ариунболд, Гэр хорооллын дахин төлөвлөлтийн үйл ажиллагааны талаар Нийслэлийн ЗД-ын Хөгжлийн газрын дарга Ш.Ганхуяг нар дэлгэрэнгүй танилцууллаа.
         Монгол улсад хөрөнгө оруулалтын шинэчилсэн хууль батлагдсантай холбогдуулж ЭЗХЯ-ны Гадаадын хөрөнгө оруулалтын зохицуулалт бүртгэлийн газрын ахлах мэргэжилтэн  З.Төгөлдөр хөрөнгө оруулагчдад таатай нөхцөл бий болсон талаар танилцуулж чөлөөт ярилцлага боллоо.
       Eugene Корпорацийн Бетон зуурмагийн үйлдвэртэй танилцаж БНСУ-ын бетон зуурмагийн болон асфальт бетоны үйлдвэрүүдийн бүтээгдэхүүний  чанар, маркетингийн судалгааг хянах систем хэрхэн нэвтэрч, эдийн засгийн үр өгөөжтэй ажиллаж буйтай танилцлаа. Энэ корпорацийн Muhan Control Co.LTD үйлдвэрийн хяналт явуулах EURAS системийг Монголд нэвтрүүлэх боломжийн талаар ярилцлаа. Монголд ажиллаж буй Солонгосын техник технологитой бетон зуурмаг болон асфальт бетон, дүүргэгч материалын 17 үйлдвэрт МН-3500 программ, энэхүү системийг хэрэгжүүлснээр дэлхийн хаана ч байгаа өөрийн систем суурилуулсан үйлдвэрийн технологийн чанар, аюулгүй байдлыг хянах боломжтой юм байна.



EUGENE корпорацийн бетон зуурмагийн үйлдвэр. \Далайн элсийг боловсруулж бетон эдлэл хийхэд хэрэглэдэг байна.\

EUGENE корпорацийн бетон зуурмагийн үйлдвэрийн лаборатори

Солонгосын барилгын технологийн Хүрээлэн (KICT)
       Солонгосын барилгын технологийн институт нь 30 жилийн түүхтэй төрийн өмчийн статустай, 21 салбартай бөгөөд манай Барилгын салбараас анх удаа МБМҮХолбооны гүйцэтгэх захирал О.Лхагвадорж, Ерөнхий нарийн бичгийн дарга Н.Оч нар уригдан очиж технологийн парк цогцолбортой танилцаж,  хамтран ажиллах боломжийн талаар санал солилцлоо.
       Уг хүрээлэн нь хамгийн сүүлийн үеийн технологи ашиглан ногоон барилгын эрчим хүчний хэмнэлттэй, экологийн шаардлага хангасан шинэ бүтээгдэхүүн зохион бүтээх, турших, барилгын үйлдвэрлэлд нэвтрүүлэх талаар ихээхэн туршлага хуримтлуулжээ. Хоёр орны Засгийн газрын хэмжээнд гэрээ байгуулсан нөхцөлд Солонгосын хөрөнгөөр Монголын барилгын салбарт тулгамдаж буй техник технологийн асуудлыг шийдвэрлэхэд туслалцаа үзүүлэх боломж бүрдэж, манай барилгын салбар түүний дотор барилгын материалын салбарын хэмжээнд тулгамдсан дараах асуудлыг шийдвэрлэхэд туслалцаа үзүүлэх боломжтой юм байна.
Үүнд:
  • Барилга угсралтын ажлыг улирлын ажиллагаанаас гаргахад өвлийн нөхцөлд цутгах бетоны асуудлыг шийдэх. Уг Хүрээлэнгийн лабораторид -50 0С-д бетон цутгах химийн нэмэлтийн туршилт хийгдсэн байна.
  • Өндөр маркийн бетон үйлдвэрлэх. 240МРа марктай бетоны орц тогтоож чадсан байна.
  • Говийн манхан элсийг боловсруулж, бетоны дүүргэгч элс гаргаж авах. Институтын эрдэмтэд далайн элс ашиглан боловсруулалт хийж бетоны элс гарган авч үйлдвэрлэлд нэвтрүүлсэн байна.
  • Барилгын хог, хаягдлыг боловсруулах. Энэ чиглэлээр дуу, дулаан тусгаарлах олон төрлийн материалууд гарган авч үйлдвэрлэлд нэвтрүүлсэн туршлагатай тул манай орны цаг уурын нөхцөлд таарсан ногоон барилгын материалын технологийн судалгаа, туршилт явуулж үйлдвэрлэлд нэтрүүлэх боломжтой болохоо илэхийлж байна.
  • Гэр хорооллын дулааны алдагдалтай байшингуудын иж бүрэн дулаалах технологийг шинэ материал дээр тулгуурлан судалгаа хийж, полистролын төрлийн дулаалгын материалын шинэ үе болох Phenol foam үйлдвэрлэн туршиж загвар байшин дээр иж бүрэн дулаалга хийж түлшний зарцуулалтыг багасгах боломжтойг нотлон улмаар Улаанбаатарын утааг эрс багасгахад бодитой туслалцаа үзүүлэх боломжтой юм байна.
  • Гэр хороололд шинэ нэр төрлийн эрчим хүчний хэмнэлттэй материалаар Солонгосын хөрөнгө оруулалттай үлгэр жишээ хороолол (ногоон барилга) барих боломжтой бөгөөд энэ асуудлыг манай хоёр орны Засгийн газрын хамтын ажиллагааны хүрээнд шийдэхэд бидний зүгээс идэвхи санаачлага гаргах шаардлагатай байна.

 Солонгосын барилгын технологийн хүрээлэн (KICT)

Хамгийн сүүлийн үеийн дуу, дулаан тусгаарлах болон ногоон барилгын материал хэрэглэж барьсан барилга

Вакуум цонх

Угсармал модулын сууц (Modular haus)

Институтын лабораторийн хэсэг

Металл файбер бүхий бетон сорьцыг чип (cheep) суулгаж насжилтыг тодорхойлдог арга

Холбоотой мэдээ