Дэлхий нийтээр байшин барилгад ашигласан бүхий л материал нь хүний эрүүл мэнд, байгаль орчинд сөрөг нөлөөгүй,  амьдрах ая тухтай байдлыг бүрэн хангасан, ус, эрчим хүчний хэмнэлттэй “Ногоон барилга”-ын эрин лүү хөл тавьж байна. Дэлхий нийтийн энэхүү чиг хандлага нь Монголын барилгын салбарт ч тусгалаа олоод байгаа билээ.
     Байгальд ээлтэй энэхүү технологи Монголын барилгын салбарт хэрхэн нэвтэрч байгаа, Ногоон барилгын хөгжлийн цаашдын чиг хандлагын талаар олон нийтэд мэдээлэл хүргэх зорилгоор Барилгын Зөвлөгөө Мэдээллийн Төвөөс “Ногоон барилгын хөгжил Монголд” сэдэвт хэвлэлийн бага хурлыг зохион байгуулахаар боллоо. Хэвлэлийн бага хурлын хамтран зохион байгуулагчаар Барилга Хот Байгуулалтын Яам, Барилгын Хөгжлийн Үндэсний Нэгдсэн Төв, Барилгын Материал Үйлдвэрлэгчдийн Холбоо, Гэр Хорооллын Хөгжлийн Газар, Империал кастел ХХК оролцоно.
       Хурлын арга хэмжээ 2014 оны 4-р сарын 24-ны 12 цагт Монгол ньюс мэдээллийн агентлагийн хурлын зааланд болно.

Дэлгэрэнгүй мэдээллийг 77111777 утаснаас лавлана уу.