Бидэнд  Moon Hoon  барилгын студээс гаргасан энгийн мөртлөө орчин үеийн, зоримог шийдэлтэй энэхүү байшин ихэд таалагдсан юм. .  Өмнөд Солонгос улсын Дэежонд байрлах энэхүү барилга геометрийн дүрсийн хувьд ижил бус хэв загвартай ер бусын содон баригджээ.  Хөл хөдөлгөөн багатай, өндөрлөг газар байрласан нь ойр орчимдоо эрхгүй онцгой ялгарч сүндэрлэнэ.  Уулын бэлд урд талдаа Солонгосын Бан Дон нуурын үзэсгэлэн төгөлдөр газарт боссон нь амралт зугаалгаар яваа хүмүүсийн замд тааралдаж нүд хужирлах цэг болжээ.  
        Барилгын  автор уран барилгач хэлэхдээ: “Би их дүрсгүй уран барилгач. Мөн миний энэ араншинг гаргасан тийм үйлчлүүлэгчтэй би учирсан.  Дизайны хувьд  2 хэв шинжтэй.  Нэг талаас бүх давхар өрөөнүүд төв хэсгээ тойрч байрласан бол нөгөө талаас хэсэг хэсэг тасарсан шатны хэсэгт эрэг талбайнууд оруулж  өгсөн” гэжээ. Харин барилгын төв хэсэгт галлерей хэлбэрээр  гэрийн эзэн өөрийн сонирхлын цуглуулга, бяцхан роботуудаа тавихад зориулагджээ.