Шилэн тасалгаа хийх арга

Шилэн тасалгаа хийх арга
       Албан тасалгааны талбайн ашиглалтыг сайжруулах зорилгоор  хэд хэдэн өрөө болгон хувааж  болох юм. Ингэж олон өрөө гаргахад хамгийн тохиромжтой материал нь шилэн хана гэнэ. Шилэн хана нь харахад өнгө дизайны хувьд гоёмсогоос гадна цэвэрлэж арчихад хамгийн тохиромжтой байдаг.
     Багахан хөвөө мод зангидан тусгай зориулалт бүхий шилээ 10-20 см гүн ховилд суулгаж  өгөхөд л ажиллагаа дуусах боловч өрөө тасалгаа нь нэвт гэрэлтэж харагдахад хүмүүс тийм ч дуртай биш байдаг. Ийм учир бүдгэрүүлэгч нимгэн цаасыг нааж өгөх хэрэгтэй.


       Энэ цаас нь усанд хүрсэн ч норохооргүй хамгаалагдсан байдгаас гадна тусгай зориулалтын цавуугаар наах хэрэгтэй болдог.
Эхлээд цавууг шилэнд жигд түрхэж гар хүрэхэд нялцгайрахгүй болсны дараа цаасаа наах хэрэгтэй. Хэт удаавал цаас наалдахаа болих учир яг цагийг нь олж наах хэрэгтэй юм байна.



         Цаасыг жигд наахад л ажиллагаа дуусах боловч бүх зүйл дээр дизайн ярих болсон энэ үед  цулгуй хана тийм ч гоёмсог бус харагдана. Иймд өөрийн хүссэнээр шилэн дээр наасан цааснаас тодорхой хэсгийг  төрөл бүрийн хээ угалз, дүрс гарган хуулж авч болох юм. Хуулахдаа цаасыг сайтар хатсаны дараа авахгүй бол наасан хэсгээ бүгдийг хуулах ч тохиолдол гарна шүү.

Холбоотой мэдээ