Пассив барилга

Пассив барилга
Зөвлөх үйлчилгээний "Американ стандарт" ХХК-аас Амины орон сууц, Хаус барилга барих гэж ААН, иргэддээ зориулан эрчим хүчний хэмнэлттэй барилга болох Пассив барилгын тухай цуврал зөвлөгөөг хүргэж байна.

ӨМНӨХ ҮГ
 
Пассив барилга гэсэн нэр томъёолол, түүний норм стандарт нь барилга архитектурын салбарт хэдийнэ танигдан, одоо дэлхий даяар мэддэг болжээ. Энэ нь анх Герман улсад үүсч хөгжсөн бөгөөд одоогийн байдлаар төв Европод 20.000 гаруй сууц баригдаад ашиглагдаж байна. Дэлхийн хаана ч тэр хойд болон өмнөд Америк, Европ, Ази, Африкт Пассив барилга баригдсаар байна. Пассив барилгын стандарт нь байгаль орчинд ээлтэй барилгын хувьд ихээхэн чухал шийдэл болсон:
- Уг стандартад Пассив барилгыг барих “ноу-хау”-г хүн бүрт боломжтой байхаар тодорхой тусгасан байдаг.
- Баригдсан, одоо ашиглагдаж байгаа зуу гаруй Пассив барилгыг шинжлэн судалсан нарийн мэдээлэл, үүний дотор хугацааны давтамжтай дулааны загварчлал, хэмжилтийн дэлгэрэнгүй үр дүнг багтаасан. Цаг уурын бүсчлэлээс хамаарахгүйгээр, Пассив барилгын халаалт (мөн хөргөлт)-ын эрчим хүчний хэрэглээг ердийн барилгынхтай харьцуулахад 80% болон түүнээс их хэмжээгээр хэмнэлттэй байгааг батлан харуулсан дүгнэлтийг мөн үзэж болно. Эдгээр мэдээллээс Пассив барилгын стандарт нь хэмнэлттэй, хэрэгтэй стандарт
болох нь батлагдаж байна.
- Пассив барилга нь зардлын хэмнэлттэй шийдэл юм. Ихэнх хүмүүс энэ стандартын хялбар зарчим, нэмэгдэл хөрөнгө оруулалт бага байгаад гайхдаг. Хамгийн чухал нь, аливаа нэмэгдэл зардал гаргах болж байгаа нь түүний чанарт хөрөнгө оруулалт хийж байгаа явдал юм. Учир нь Пассив барилгын стандарт гэдэг нь сайн байшинтай болох бөгөөд жинхэнэ тогтвортой шийдэл гэсэн үг юм. Халаалт болон хөргөлтөндөө маш бага эрчим хүч зарцуулахын зэрэгцээ дээд зэргийн тав тухтай амьдрах нөхцлөөр хангах, зардлын хэмнэлттэй байх бодит сонголтыг Пассив барилга өгдөг. Эрчим хүчний хэрэглээ хурдацтай өсч байгаа энэ цаг үед
Пассив барилга нь эдийн засгийн хувьд таатай сонголт байх болно. Энэхүү Монголд анх удаа албан ёсоор хэвлэгдэн гарч байгаа “Монгол орны нөхцөлд Пассив барилгыг төлөвлөх нь” гарын авлагаар та бүхэнд Пассив барилгын үндсэн зарчим, онцлог шинжийг тоймлон танилцуулж, барилгыг төлөвлөх, барих явцад анхаарах зүйлүүдийг тайлбарлах болно. Одоо ч гэсэн ихэнх Пассив барилга сууцны зориулалттай баригдаж байгаа боловч Пассив барилгын стандарт нь албан тасалгаа, сургууль, хүүхдийн цэцэрлэг, спортын
танхим, бүр бассейны зэрэг бусад төрлийн барилгын хувьд ч давуу талтай гэдгийг ухварлан ойлгох хүмүүс өдрөөс өдөрт олон олноор нэмэгдэж байна. Түүнээс гадна шинэ барилгын хувьд хэмнэлттэй байгаа нь батлагдсан Пассив барилгын бүрэлдэхүүн хэсгүүдийг хуучин барилгыг шинэчлэн засварлах замаар ашиглан эрчим хүчний хэмнэлтийг нь ихээхэн хэмжээгээр сайжруулж болно. Энэ нь барилгын компаниуд, оршин суугчид болон барилгын цаашдын ашиглагчдын алинд нь ч маш чухал байх барилгын үйлдвэрлэлийн хэсэг гэдгийг бүгд мэднэ. Пассив барилга нь зөвхөн эрчим хүчийг хэмнээд зогсохгүй амьдрах дээд зэргийн тав
тухыг мэдрүүлдэг. Хүмүүс үргэлж “Энэ байшин тэгээд ид өвлийн хүйтэнд дулаахан байж чадах уу?” эсвэл “Цонхоо онгойлвол яах вэ?” гэсэн асуултуудыг тавьдаг. Эдгээр асуултад Пассив барилгад оршин суугч хариулахаас илүүтэй шинжлэх ухааны үндэслэлтэй мэдээлэл, дүгнэлтээр хариулбал илүү үнэмшил, дөхөмтэй байх болно. Энэхүү гарын авлагыг олны хүртээл болгох ажилд гол үүрэг гүйцэтгэсэн Нэгдсэн
Үндэстний Байгууллагын Хөгжлийн Хөтөлбөрт талархлаа илэрхийлье.
 
1.1 ЭРЧИМ ХҮЧНИЙ ХЭРЭГЛЭЭНИЙ БАЙДАЛ


Хүн амын өсөлт болон эрчим хүч нь
дэлхийн хүн төрөлхтний тулгамдсан хамгийн том асуудал болоод байна. Өнөөдрийн ашиглаж
буй технологиор эрчим хүчийг үйлдвэрлэхдээ олборломол түлш (нүүрс, байгалийн
хий, нефьт)-ийг шатаах замаар гарган авдаг. Энэ нь нүүрсхүчлийн хий болон бусад хорт хийг ялгаруулан, байгаль орчныг бохирдуулснаар уур амьсгалын өөрчлөлтийг бий болж дэлхийн дулаарлын үндсэн шалтгаан болж    
                                                                                                                                                                                                                                                                                                                                             Зураг 1. Дэлхийн эрчим хүчний хэрэглээний                                                                                                                           төлөв байдал
Үүнээс үүдэн хүн төрөлхтөн гамшгийн байдалд орон, улс орнууд хүлэмжийн хийг ялгаруулалтыг аль болох
багасгах, хязгаарлах арга хэмжээг авсаар байна. Түлшний шаталтаас гарч буй СО2 зэрэг хийнүүд бидний амь нас, эрүүл мэндэд ноцтой хохирлыг авчраад зогсохгүй, дээр дурдсан тулгамдаад байгаа асуудлын
гол шалтгаан юм. Хүлэмжийн хий хэрхэн үүсэн, дэлхийн агаар мандлыг халаах процессыг товч тайлбарлахад:
1. Бага долгионы урттай нарны цацраг агаар мандлыг нэвтрэн тусна.
2. Нарны цацраг нь газрын гадаргууг халааж, халсан гадаргуу нь урт долгионтой дулааны цацрагийг ялгаруулна.
3. Нүүрсхүчлийн болон бусад хий нь сансар огторгуйд цацагдаж буй тэрхүү дулааны цацрагийг шингээн авч хүлэмжийн хийн нөлөөллийг бий болгоно.
4. Утаа болон ахуйн хий нь агаар мандал дах нүүрсхүчлийн болон бусад хийг ихэсгэж байдаг.
5. Хүлэмжийн хийн нөлөөгөөр газрын гадарга орчмын температур өсч, дэлхийн
дулаарал болж байна. Дэлхийн хүн амын өсөлт болон тэдний хэрэглээний нэмэгдэл нь эрчим хүчний
үйлдвэрлэлийг улам ихээр шаардах болж энэ нь эргээд тэдэнд төсөөлөхийн аргагүй сүйрлийг дагуулан ирж байна. Иймээс амьдарч байгаа байшин, барилга, шинээр барих орон сууцаа технологийн дагуу зөв дулаалах, эрчим хүчний хэрэглээгээ зөв зохицуулах, хэмнэхийг байгаль өөрөө биднээс шаардаж байна. Пассив барилга нь хүний хүчин зүйлээс шалтгаалж байгаа дэлхийн дулаарлыг багасгахад ихээхэн үүрэг гүйцэтгэх болно. Энэхүү гарын авлага Танд Пассив барилгын талаар дэлгэрэнгүй мэдээлэл, ийм байшин барьж, амьдрах итгэл урам хайрлана гэдэгт найдаж байна. Пассив барилгын эрчим хүчний хэрэглээ нь эрчим хүчний үнэ өссөн ч тухайн өрхийн санхүүгийн байдалд ихээр нөлөөлөхөөргүй тун бага байдаг.


Эх сурвалж: Американ Стандарт ХХК

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.