Нийслэлийн орон сууцны корпорацийн хөтөлбөрийн хүрээнд таван байршилд 200 мянган айлыг орон сууцжуулахаар болжээ. Иргэд урьчилгаа  төлбөр өгөхгүйгээр сарын орлогоосоо 30 хувийг НОСК-ийн санд төвлөрүүлснээр  3-5 жилийн дараа байрандаа орох боломжтой гэнэ.
      Жишээлбэл иргэн сар бүр 100 мянган төгрөг төвлөрүүлбэл таван жилийн дараа 25 метр квадрат нэг өрөө байранд орох юм. Байрандаа орсны дараа ч  сар бүр энэ мөнгөө тус санд төвлөрүүлэн 10 жилийн дараа өөрийн өмчид шилжүүлэх боломжтой аж. 
       НОСК орон сууцаа Улиастайн ам, Нисэхийн спорт цогцолбор, Морингийн даваа, Биокомпинат, шинээр баригдах Автохудалдааны төвийн хажууд барихаар төлөвлөжээ. Эхний ээлжинд 20 мянган хүн дэмжээд 50 тэрбум төгрөг төвлөрүүлж чадвал барилгын ажил шууд эхлэх боломжтойг албаныхан онцоллоо.