Чамин гэрийн дэгжин үүдэн хэсэг

Чамин гэрийн дэгжин үүдэн хэсэг
Зочид орж ирэхэд хамгийн түрүүн үүдэн хэсэг анхаарлыг татдаг. Сайхан тохижуулсан үүдний хэсгээс гэрийн өнгө төрх, тохижилтын суурь ойлголт бий болдог. Чамин, гоёмсог тавилга, жижиг хэрэгслүүд, дэвсгэр зэргийг ашиглан гэртээ дулаахан уур амьсгал бий болгоцгооё.
Та доорх тавилгуудыг анхаараарай. Гэр бүлийн гишүүд малгай, гадуур хувцас, цув, гутал, шүхэр, таяг зэргээ хийх боломжтой ханын шүүгээнээс гадна толь байрлуулж гадагшаа гарахаасаа өмнө өөрийгөө нэг тольдоод авбал зүгээр. Мөн гутал өмсөхөд зориулсан жижиг сандал байрлуулаарай.
Үүдний хэсэгт  хурааж, хадгалах шаардлагатай зүйлс маш олон байдаг болохоор тохирсон хэмжээтэй  ханын шүүгээ маш хэрэгтэй. Бодоод үз дээ. Өвлийн гутал, туфль, зуны, ажлын, албан ёсны, чөлөөт гээд дөнгөж гутлаа хадгалахад л ямархуу хэмжээний сав хэрэгтэй болж байгааг. Тиймээс үүдний өрөөний шүүгээ том байхад огтхон ч гайхах зүйлгүй.
Гэрийн тань үүдний хэсэг зай багатай ч шүүгээ зайлшгүй хэрэгтэй. Харин энэ хэрэгцээг шалнаас тааз хүртэл хэмжээтэй хаалгандаа тольтой шүүгээгээр шийдэж болох юм.  Гадуур хүрэм, цув, цамц зэргийг өлгүүрт хийн тусгайлан байруулж болно. Мөн олон өлгүүртэй хавтанг ашиглан малгайгаа тохож болно.
Шүхэр, өөр хувийн эд зүйлсээ тохох аятайхан хэсэг гаргаарай. Харин хэт нүсэр ширээ, сандал тавих нь тохиромжгүй. Зай ихтэй бол ханатай тулсан нарийн ширээ, жижиг сандал зэргийг байрлуулахад шалны зай бага эзэлнэ.
Үүдний хэсэг бол хамгийн их хүн нааш цааш зорчдог хэсэг учраас цулгай өнгийн дэвсгэр, хивсэнцэр зэргийг тавьснаар өрөөний уур амьсгал илүү дотно болно. Мөн савтай цэцэг ч тавьж болох юм. Гэрлийн бүрхүүлийг ч  бүү мартаарай.
    

Холбоотой мэдээ