Дэлхий нийтээрээ байгальд ээлтэй, үр ашигтай барилга, ногоон төлөвлөлт рүү анхаарал хандуулах болсон өнөө үед Монгол улсын Засгийн газраас нийслэлийн гэр хороололд амины орон сууц олноор барих, эко хороолол хөгжүүлэх зорилгоор олон талт ажлыг зохион байгуулж байгаа билээ.  Барилгын Зөвлөгөө Мэдээллийн Төвөөс энэхүү ажлыг тууштай дэмжин ажилладаг бөгөөд үүний илрэл нь жил бүр “Амины орон сууц” каталогийг бэлтгэн гаргадаг явдал юм.
        Ингээд өөрийн тохилог амины орон сууцыг барьж тав тухтай орчинд тайван амьдрахыг хүссэн  хүн бүрт зориулж та бүхний шаардлагад нийцсэн мэргэжлийн зөвлөгөө болохуйц үнэн бодит мэдээлэл бүхий  “Амины орон сууц” каталогийн цоо шинэ дугаарыг худалдаанд гаргалаа.
        Тохилог амины орон сууц барихаар төлөвлөж буй хүн бүрийн гарын авлага болгох зорилгоор каталогидоо 56,78 м²-271,17 м² талбайтай, 2 давхар болон дан амины орон сууцны шилдэг 100 загварыг амины орон сууц барихад шаардлагатай цогц зөвлөгөө, халаалт, цахилгааны шийдлээ хэрхэн хийх зөвлөмж болон бусад сонирхолтой мэдээллийг багтаасан байгаа.
      Энэ удаагийн каталоги нь өмнөх дугааруудаас олон талаар онцлог, давуу талтай болсон. Тухайлбал, иргэд өөрсдөө амины орон сууцаа барихад хялбар болгох үүднээс зуун загварын хийцлэлийн зургийг түлхүү оруулж өглөө. Мөн иргэдийн хүсэлтээр амины орон сууц барьдаг аж ахуйн нэгжүүдийн танилцуулгыг нийтэлсэн.
         Бид уламжлал ёсоор каталогидоо хана, тааз, давхар дундын хучилтын хийц хэсэглэлийг дэлгэрэнгүй тайлбартай нь оруулж өгснөөс гадна эрчим хүчний хэмнэлттэй барилгын технологи, дулааныг эргүүлэн ашиглах тухай зөвлөмж, агааржуулалтын хамгийн энгийн системийн талаарх танилцуулга зэрэг мэдээ мэдээллээр каталогио баяжуулан уншигч таны гарт хүргэж байна.