ИНЖЕНЕРИЙН ЗЭРЭГ АХИУЛАХ, ЗЭРЭГ ГОРИЛОГЧДЫН БҮРДҮҮЛЭХ МАТЕРИАЛ

ИНЖЕНЕРИЙН ЗЭРЭГ  АХИУЛАХ, ЗЭРЭГ ГОРИЛОГЧДЫН БҮРДҮҮЛЭХ МАТЕРИАЛ
Шинээр зэрэг горилогч нь ажилласан нийт хугацаанд гаргасан бүтээлээ тайландаа оруулж баталгаажуулсан байна.

Барилга угсралтын зэрэг ахиулах сургалт 2014 оны 03-р сарын 12-нд эхэлнэ.


ИНЖЕНЕРИЙН ЗЭРЭГ  АХИУЛАХ, ЗЭРЭГ ГОРИЛОГЧДЫН
БҮРДҮҮЛЭХ МАТЕРИАЛ
 
  1. Зэрэг горилохыг хүссэн хувийн өргөдөл:  -Өргөдөлийг батлагдсан маягтаар гаргана. /Өргөдөлийн маягтыг  нэгдүгээр хавсралтаар гаргана/ 
  2. Ажил байдлын тодорхойлолт:  - Тодорхойлолтыг тухайн хүний үндсэн байгууллагаас тодорхойлж, удирдлага нь гарын үсэг зурж, тэмдэг дарж баталгаажуулсан байна. Шаардлагатай гэж үзвэл харъяалагдах дээд байгууллагын тодорхойлолт гаргаж болно.
  3. 3х4 хэмжээтэй 2 хувь зураг
  4. Дээд боловсролын үнэмлэх, дипломын хуулбар:  -Дээд боловсролын үнэмлэх, дипломын хуулбарыг нотариатаар баталгаажуулах, хэрэв баталгаажуулаагүй бол хуулбарыг эхтэй нь тулгаж хүлээж авна. /Гадаадад зэрэг хамгаалсан бол орчуулгын товчоогоор орчуулуулж, баталгаажуулсан байх/
  5. Бүтээлийн тайлан, жагсаалт:  -Бүтээлийн тайлан жагсаалтыг үндсэн байгууллагын удирдах ажилтан ба зөвлөх зэрэгтэй хоёроос доошгүй мэргэжилтэн хянаж баталгаажуулсан байна. Бүтээлийн жагсаалтыг хоёрдугаар хавсралтаар гаргана. /Хүснэгтийн загвар доор бий/
  6. Сургалт шалгаруулалттай холбогдсон төлбөрийн баримт:  -Төлбөрийг бэлнээр буюу дансаар төлж болно.                       
Данс:Барилгын хөгжлийн төв                                                         
Худалдаа Хөгжлийн банк: 452486244
 
Анхаарах зүйлс:
  1. Сургалтын материалаа сургалт шалгаруулалт эхлэхээс 14 хоногийн өмнө ирүүлсэн байх. Хугацаандаа ирүүлээгүй тохиолдолд дараагийн сургалтад хамрагдах болно.
  2. Сургалтын материалаа нүхтэй хавтсанд хийсэн байх
Хоёрдугаар хавсралт
                                             Бүтээлийг үнэлэх үзүүлэлт
 
А. Нийтлүүлсэн материал
  1. Ном, сурах бичиг /бичсэн, орчуулсан, редакторласан/
  2. Мэргэжлийн болон асуудал дэвшүүлсэн өгүүлэл /дотоод, гадаадад/
  3. Хурал зөвлөгөөнд тавьсан илтгэл /дотоодын, олон улсын/
Б. Санаачилсан, оролцсон, хэрэгжүүлсэн ажлууд
  1. Шинэ бүтээл, оновчтой санал
  2. Стандарт, техникийн нөхцөл, норм норматив, заавар, гарын авлага, үнэлгээ
  3. Зураг төсөл
  4. Тендер, төслийн материал, хөтөлбөр
  5. Үйлдвэрлэлд нэвтрүүлсэн шинэ бүтээгдэхүүн, техник технологи, зохион байгуулалтын арга хэмжээ
  6. Зохион бүтээсэн шинэ бүтээгдэхүүний загвар, барааны тэмдэг, тоног төхөөрөмж, багаж хэрэгсэл, сэлбэг
  7. Бариулсан, өөрчилж шинэчилсэн барилга байгууламж, зам гүүр, инженерийн шугам сүлжээ, суурилуулсан тоног төхөөрөмж, туршилт тохируулгын ажил
  8. Эрдэм шинжилгээ, судалгааны ажлын тайлан
  9. Зураг төсөл, техникийн шийдлийн хяналт, дүгнэлт
  10. Сургалтын хөтөлбөр, төлөвлөгөө, үзүүлэн
  11. Хууль, эрх зүйн баримт бичиг /мэргэжлийн чиглэлээр/
  12. Үзэсгэлэн, уралдаан зохион байгуулсан, оролцсон
  13. Бусад
Бүтээлийг үнэлэх ажиллагаа
  • Мэргэжилтний ажилласан хугацааны бүтээл туршлагыг үнэлж, ур чадварын түвшинг тогтоохдоо дээр заасан үзүүлэлтүүдийг хамруулж гаргасан  зэрэг горилогчийн тайланг ашиглана. Тайланг дараах загвараар бичнэ.
……………………..овогтой …………………….. ний бүтээлийн тайлан
Бүтээлийн нэр Гүйцэтгэсэн хугацаа он, сар Өөрөө гүйцэтгэсэн, оролцсон, хэрэгжүүлсэн аль нь болох Шийдвэр гаргасан, баталгаажуулсан байгууллага албан тушаалтан
1        
 
Тайлан бичсэн зэрэг горилогч                                            /                                       /
Хянаж баталгаажуулсан                                                      /                                       /
                                                                                              /                                       /
  • Шинээр зэрэг горилогч нь ажилласан нийт хугацаанд гаргасан бүтээлээ тайландаа оруулж баталгаажуулсан байна.
  • Шалгалтын комиссоос мэргэжилтний бүтээл туршлагыг оноогоор дүгнэж шаардлага хангасан, хангаагүй гэсэн үнэлгээ өгнө. Шаардлагатай тохиолдолд комиссоос бүтээлийг лавлаж тодруулах, магадлах эрхтэй.
  • Зэрэг горилогч нь бүтээл, туршлагаар шаардлага хангаагүй гэсэн үнэлгээ авбал зэрэг горилох хугацааг нь хойшлуулах, зэргийг сунгахаас түдгэлзэх, цуцлах зэрэг арга хэмжээ авна.

Холбоотой мэдээ