Энэ удаа эрчим хүч хэрхэн хэмнэж болох тухай Австралийн эрчим хүчний томоохон компанийн  зөвлөх ноён Свансоны зөвлөгөөг та бүхэнд хүргэхээр шийдлээ.

           Та дулаан ялгаруулах тоног төхөөрөмж хэрэглэж эхлэхээсээ өмнө халаагуурынхаа эрчим хүчний хэрэглээг тооцож, төлбөр тооцоонд хэрхэн нөлөөлөхийг  бодож үзээрэй. Хөшгин болон халуунаар үлээдэг агааржуулагч нь агаарын эргэлтэд байгаа дулааныг нөөцлөхөөс илүүтэй эрчим хүчний хэрэглээг эрс нэмэгдүүлдэг. Гэртээ аль болох дулаан хувцас өмсөх, хөнжил дээрээ бүтээлэг нөмрөөд унтчих нь эрчим хүчний хэрэглээг эрс багасгадаг.

           Ерөнхийдөө сэрүүндүү амьдралд хэвшилтэй айлд агаарын хэмийг нэмэх 18-20 С°-т  барих нь тохиромжтой байдаг. Халаагуурыг хэрэглэх явцад зөв ашиглахгүй бол гүйдэлд цохиулах, гал гарах тэр байтугай үхэлд хүргэж болох аюулыг дагуулж байдаг. Тэгэхээр аюулгүй байдлыг нь хамгийн түрүүнд хангаж байгаарай. Халаагуур нь цахилгаан хэрэгсэл учраас буруу хадгалалтын явцад гэмтэж болох бөгөөд  тэжээлд залгаж хэрэглэхээсээ өмнө холболтын утас нь шалбарч уу, бүрхүүл нь хугарч гэмтсэн байна уу, залгуур нь гэмтэж үү үгүй юу гэдгийг заавал шалгах ёстой. Гэмтэлтэй цахилгаан тоног төхөөрөмжийг заавал засуулах шаардлагатай бөгөөд  засвар аваагүй тохиолдолд хаясан нь дээр байдаг. Цахилгаан халаагуур, агааржуулагчийг гэрээс гарахдаа, унтахдаа заавал унтраах шаардлагатай бөгөөд бага насны хүүхдийг халаагуур ажиллаж байгаа  өрөөнд харж хандах хүнгүйгээр орхиж болохгүй.  Мөн хөшиг, хувцас зэрэг амархан галд авалцах магадлалтай газар болон  угаалгын өрөө, гал тогоо зэрэг чийгшил ихтэй газар байрлуулдаггүйг санаж аваарай.

            Харин одоо УБЦТС ХК-ийн зүгээс цахилгаан хэрэгслийн  аюулгүй байдлын талаар зөвлөгөө өгье.

• Хэрэв халаагуур ашиглахаас өөр аргагүй бол халуунаа хадгалдаг халаагуур бусад халаагууруудас 2,5 дахин ашигтай. Хэрэв халуунаа хадгалдаг халаагуур ашиглах гэж байгаа бол тохиргоог нь аль болох хэт их халуун үүсгэхээргүй тавил дээр нь тохируулаарай. Халаагуур болон дулаанаар үлээдэг агааржуулагчдыг хэрэглэхийн өмнө сайтар цэвэрлэсэн байх хэрэгтэй. Зөвхөн хэрэгцээт орчноо халаах нь бүх өрөөг зэрэг халаахаас илүү эдийн засгийн хувьд хэмнэлттэй. Хаалга цонхоо сайн хааж, хөшгөө татаж байвал дулаан алдалт бага байдаг.
• Цахилгаан тоног төхөөрөмжийг залгахаас өмнө заавал шалгаж үзээрэй. Хэрэв ямар нэгэн гэмтэл мэдэгдвэл мэргэжлийн хүнээр засуулах хэрэгтэй. Өөрөө засвар хийх нь шаардлагатай  түвшинд хүрдэггүй. Хөшгин халаагуурыг хадгалахдаа хүнд зүйлд дарагдаж,  доторх утас нь гэмтэж, тасрах магадлалтайг бодолцоорой. Та унтахдаа цахилгаан халаагуурын товчийг нь дарахаас гадна тэжээлээс залгуурыг салгаж унтраасан нь найдвартай.
• Барилгын хийцийг өвөлдөө дулаан зундаа сэрүүн байх технологиор хийх нь зүйтэй.
• Зориулалтын багажаар байрныхаа дулаан алдагдалтыг тодорхойлуулбал  зун дулаалга хийхэд аль хэсэгтээ илүү анхаарч янзлах эсэхийг мэдэх боломжтой.
• Хоёр тарифтай электрон тоолуурыг хэрэглэвэл шөнийн цагт хэрэглэсэн эрчим хүчний үнэ хямд учраас аль болох тарифтай тоолуур авч хэрэглэх нь зүйтэй.

УБЦТС ХК-ийн Хан-Уул Хэрэглэгчдэд үйлчлэх төвийн менежер Ч.ӨНӨРЦЭЦЭГ