Ногоон дээврийн ач холбогдол

Ногоон дээврийн ач холбогдол

Нийгэмд хүргэх ач холбогдол

  • Амьдрах орчныг илүү сайжруулна.
  • Бие болон оюуны эрүүл мэндэд нөлөөлөх нөлөөллийг сайжруулна.
  • Баяр баясал, итгэлцэл, бахархалыг нэмж улмаар нийгмийн оролцоог идэвхжүүлдэг. Харин уур уцаар, бухимдал,  зэрлэг авир зэргийг бууруулдаг байна.

Гоо зүйн ач холбогдол

  • Ногоон дээвэр нь хар цаас, асфальт болон хайрганаас илүү сайхан харагддаг.
  • Байгалийн үзэмж нь илүү бүтээлч, байгальд ээлтэй харагдуулдаг ба хүмүүс хараад л тайвшрах мэдрэмж авдаг.
  • Хүлэмж, цэцэрлэг, барилгын үзэмжит хэсгийг Ногоон дээвэр нь нэгээр нэмж өгдөг.

Хүрээлэн буй орчны ач холбогдол

    Хотын хэт халалтыг багасгадаг. Хотын хэт халалтын нөлөө гэж хотын захын болон төвийн хэсгийн температурын хоорондын ялгааг хэлэх бөгөөд энэхүү ялгаа нь эргээд агаарын урсгал, тоосжилт үүсэх нөхцөл болоод зогсохгүй цаг агаарыг муухай болгоход нөлөөлж байна.

   Ногоон дээврийн ургамал, зүлэг нь агаарын халалтыг багасгаж, агаарын урсгалыг удаашруулж цаг агаарт тааламжтай нөхцөл бүрдэхэд туслах болно.

Хотын чимээг багасгана

     Ургамал, хөрс болон хөрсөн доторх агаар нь нийлээд гайхалтай тусгаарлагч болдог. Туршилтаар ногоон дээвэр нь тасалгаанд орж ирэх гадны дуу чимээнээс дээд тал нь 40 децибель нэгжээр дуу авиаг багасгадийг нотолсон байна. Ялангуяа замын түгжрэл, онгоцны буудал, галт тэрэгний замтай байдаг орон сууц, барилга байшинтай хүмүүст маш сайн үр нөлөөтэй юм.

Галаас сэргийлэх нь

Усалгаатай энэхүү ногоон дээврийн ургамал нь гал гарах эрсдэлийг бууруулдаг.

Ус хэмнэлт

    Ногоон дээврийн системийн нилээд гол зүйлийн нэг бол тухайн дээврийн хөрс нь борооны усыг яг л порлон шиг сорох үүргийг гүйцэтгэдэг. Судалгаагаар ногоон дээвэр нь дээврийн усны уналтыг 90%-аас ч дээш хувиар бууруулдаг болохыг баталсан байна.  (мэдээж бас дээврийн талбайн болон хөрсний зузаан зэрэг хүчин зүйлээс ихээхэн хамаарна).

     Шинэ барилга нэмэгдэх тутамд ус зайлуулах систем болон ус цуглуулах талбайд тодорхой ачааллыг нэмж байдаг. Харин ногоон дээвэр нь энэхүү асуудлыг тодорхой хувиар багасгаж өгдөг. Ингэснээр үерийн аюул, хэт ачаалал, эвдрэл гэмтэл зэргийг тэр хэмжээгээр бууруулна.

    Ногоон дээвэр нь Сиэтлл хотод төвтэй Magnusson Klemencicхолбооний баталснаар ус зайлуулах системийн аварга бүтэцийг багасгах боломжийг олгодог гэжээ. Үүнийг дагаад эдийн засгийн хувьд 30-60%хүртэл хэмнэх судалгаа гарчээ. Борооны усаар хангагддаг хүлэмж бүхий ногоон дээвэр нь борооны усыг ямар ч байдлаар доош урсгахгүй байх боломжийг олгоно. Ялангуяа ус зайлуулах систем барих мөнгөө хэмнэх томоохон боломж юм.

     Ногоон дээврийн усны шүүлтүүр нь  эргээд чийглэг орчин бүрдүүлэхэд хэрэг болдог. Энэхүү ус нь хөрсөндөө жигд удаанаар шингэх нь хүчлийн бороо болон азотлог бохирдолоос тусгаарлах нэгэн төрлийн хэрэгсэл болно.

Амьдрах орчныг сэргээнэ

Ургамал хөрс нь тухайн орчинд шувуудын жиргээ, олон өнгийн эрвээхэй зэргийг дахин авчирах болно.

Ногоон дээврийг хэрхэн хийх вэ?

     Ногоон дээвэр хийх туршлага нь тухайн дээврийн ашиг тусыг таньж мэдэж захиалан хийлгэгчдийн тоо олшрох тусам илүү дизайны хувьд болон чанарын хувьд олон сонголтыг бий болгон бүтцийг өөрчлөх боловч ногоон дээвэрт орох ёстой хэд хэдэн хучлага байх ёстой хэвээр л байна.

Ногоон дээвэр юунаас бүтэх вэ?

Ногоон дээврийг барихын өмнө ашиглалт эдэлгээгээ сайн тооцох хэрэгтэй.

Жишээ нь доорх зурганд ногоон дээврийн үндсэн хучлагуудыг харууллаа:

    TРО болон PVCтөрлийн материал бүхий дээврийн материалыг сонгох тухайн дээврээ наахдаа халуун агаараар үлээх төхөөрөмж болох Leister Varimat v2-оор наах ба энэ нь тухайн материалын зөрүүнд ямар нэг ан цав, зай гаргалгүйгээр ямар ч ус чийг нэвтрэхээргүй наадгаараа энэхүү ногоон дээврийн хамгийн доод давхаргыг наахад түгээмэл ашигладаг юм.

/Leister Varimat v2 төхөөрөмжөөр TPO материал бүхий дээвэр нааж байна/

     Хэрэв жижиг талбайн наалт хийж байгаа бол Leister Uniroof E машиныг ч ашиглаж болох ба 300 хүртэл налуу бүхий дээвэр дээр ч торолгүй наалт хийх учир ногоон дээврийн дизайнд тэр хэрээрээ олон сонголтыг өгч чаддаг. Зарим булан тохой, захын хэсгүүдийг гар багаж Leister Triac AT-ээр наана.

Ус тогтоогч мембран

    Энэхүү мембранийг ихэвчлэн PVC материалаар хийдэг бөгөөд ус тунгаах нүхнүүд нь 20 мм-ээс дээш гүнтэй байдаг. Бүтцийн хувьд:

1.      Дээд талын хальс

2.      Голын давхарга дахин ашигласан пластик

3.      Доод талын хальс

     Энэхүү материал нь усыг тогтоогоод зогсохгүй дуу тусгаарлалтыг мөн дэмждэг. Тухайн материал нь PVC тул мөн доод давхаргыг суурилуулсан шигээ Leister technologiesбрэндийн төхөөрөмжүүдээр наадаг. Хажуу талын зөрүүлгэнүүд нь тэгшхэн байдаг тул наахад ямар нэг асуудал байхгүй.

     Зарим тохиолдолд Sinlge Plyболон TPO материал бүхий ус тогтоогч мембран байх нь бий. Тэдгээрийг ч мөн адил Leister technologies брэндийн халуун агаараар үлээж наадаг төхөөрөмжүүдээр наана.

    Жич: Зарим төрлийн ус тогтоогч мембранууд наалт хийх тэгш гадаргуугүй ирдэг бөгөөд тэдгээр наалт хийх шаардлагагүй мембранууд нь усыг доош хэт их нэвчүүлж доод талын мембраны эдэлгээг 30%-аар багасгадаг байна.

    Энэхүү хучлага нь цаанаасаа аль нэг тал нь наалддаг ирдэг тул (зарим үед наалтгүй ) наалтыг доош харуулан Ус тогтоогч мембран-г дагуулан наана/ суурилуулна.

     Та бүхэн энэхүү дээврийг суурилуулах болон холбогдох тоног төхөөрөмж, материалыг сонирхохыг хүсвэл 88100596, 99059635 утсаар холбогдох боломжтой.

Эх сурвалж: Барилга.МН сэтгүүл №42

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.