Бүтээн байгуулалтын нөр их ажлын эзэд болсон барилгын салбарынханы удирдах ажилтнуудын 2013 оны снүүкер биллъярдын аваргууд тодорлоо.

      “Barilga billiard 2013” тэмцээн нь барилгын салбарт үйл ажиллагаа явуулж байгаа аж ахуйн нэгж байгууллагуудын удирдах ажилтнуудын дунд 3 дахь жилдээ амжилттай зохион байгуулагдаж байгаа юм. Энэ жилийн тэмцээнд өмнөх жилийн алт, мөнгө, хүрэл медалийн эздээс гадна олон шинэ тоглогчдоор хүрээгээ тэлсэн өрсөлдөөн ихтэй тэмцээн болж өнгөрлөө. Жил жилийн тэмцээнд оролцогчдын тоо нэмэгдсээр байгаа нь тэмцээний нэр хүнд, цар хүрээг илтгэж байгаа юм.

      Ингээд “Barilga billiard 2013” тэмцээний “Алтан медаль”-ийг “Barilga billiard” 2011, 2012 оны хүрэл медальт “Интеко инженеринг” ХХК- ийн захирал Б.Энхтүвшин хүртсэн бол “Мөнгөн медаль”ийг “Нийслэл Өргөө” ХХК-ийн инженер А.Бямбазул, хүрэл медалийг “Цагаан бүрд” ХХК-ийн захирал Э.Оргил тус тус хүртэж бусдаасаа илүүрхлээ.

     Мөн “Barilga billiard 2013” тэмцээний тусгай байрыг Монголын Хот Байгуулалтын Хүрээлэнгийн гүйцэтгэх захирал Б.Мөнхбат хүртсэн бол, “Өрсөлдөгчөө хамгийн богино хугацаанд хожсон тоглогч”-оор “Немон” ХХК-ийн захирал Г.Эрдэнэцогт тодорлоо. Харин тэмцээний туршид “Хамгийн өндөр оноо авсан тоглогч”-ын шагналыг “Немон” ХХК-ийн гүйцэтгэх захирал Б.Цог-Эрдэнэ авлаа.

      Харин барилгачдынхаа ажлын алжаалыг тайлж, нэг өдрийг нөхөрсөг өрсөлдөөн дунд өнгөрөөх боломжийг бүрдүүлсэн “Barilga billiard 2013” тэмцээний ерөнхий ивээн тэтгэгчээр “Немон” ХХК, ивээн тэтгэгчээр “Пирамид индастри” ХХК оролцлоо.