Түүх өгүүлсэн байшин

Түүх өгүүлсэн байшин
Баянзүрх дүүргийн VI хорооны нутаг дэвсгэрт байрлах уг байшинг 1913 оны үед Богд хаант Монгол Улсын Ерөнхийp сайд асан Сайн ноён хан Намнансүрэн Дунд голын урд бариулсан хоёр байшингийн нэг нь аж. 1916 онд Сайн ноён хаан Намнансүрэнг нас барсны дараа уг байшинд Манжийн засаг захиргаа төвлөрч, хятад цэргийн штаб байрлах болжээ. Манжийн засаг зайлуулагдсаны дараа Сангийн яамны мэдэлд очиж, Зөвлөлтийн мэргэжилтэн, сургагч Козин амьдрах болсон ажээ. “Козин” хэмээх нэр олны  ам дамжин дуудагдаж явсаар “Гоожингийн өндөр” хэмээн нэрлэх болсон  гэдэг. Хожим буюу 1920-оод онд энэ байшинд Хятадын гамин цэрэг Монгол орныг эзэлж, Автономит засгийг устгах үед эх орныхоо тусгаар тогтнолын төлөө тэмцэгч Манлай ван Дамдинсүрэн, Чин ван Ханддорж, Хатанбаатар Магсаржав мөн наймдугаар Богд Жавзундамба хутагтыг 50 гаруй хоног хорьж байсан гэдэг. Энэхүү барилга нь тухайн үедээ дээврийн доод талаар үндэсний хээ угалз бүхий гоёл, чулуун суурьтай, дүнзэн хана, модон хучилттай, төмөр дээвэртэй байжээ. 1921 оны аравдугаар сарын сүүлээр дотор, гадна талд нь тэр үеийн төр засгийн удирдагчид, төлөөлөгчдийн хамт авахуулсан зураг түүхийн архивт байдаг. Одоо дээрх барилга Баянзүрх дүүргийн Засаг даргын тамгын газрын хамгаалалтад байдаг. 

Нийгмийн толь

Эх сурвалж: http://www.bolod.mn/News/106455.html

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Б.:Хас 2014-01-01 11:07 202.131.233.59

    Хамгаалалтанд байдаг юм бол нурж унах л юм байна даа. Улсын гэсэн нэрийн дор сүйрэх нь дээ.