A2 850x150 Шинэ оны захиалга-2

“Буянт-Ухаа”-д 500 айлын орон сууц 12 сард ашиглалтад орно

Нэмсэн: 2013-07-01 Үзсэн тоо: 3758

“Буянт-Ухаа”-д 500 айлын орон сууц  12 сард ашиглалтад орно

         Орон сууц санхүүжилтийн корпорацийн захиалгаар Хан-Уул дүүргийн 9-р   хорооны нутаг дэвсгэрт  2000 айлын орон сууц бүхий “Буянт-Ухаа” хороолол баригдаж байгаа билээ. Өнгөрсөн бямба гарагт  нийслэлийн Засаг дарга бөгөөд Улаанбаатар хотын захирагч Э.Бат-Үүл орон сууцны барилгын ажлын явцтай танилцлаа.
         Нийслэлийн томоохон бүтээн байгуулалтын нэг хэсэг болох “Буянт- Ухаа” хороолол нь  ОССК-ийн 4,63 га талбайд 2000 айлын орон сууц,  цэцэрлэг, үйлчилгээний төв, зам, инженерийн дэд бүтцийн хамт баригдаж  байгаа билээ.  “Буянт-Ухаа” хороолол нь үндэсний томоохон барилгын 5 компанийн нэгдэл болох ”Үндэсний бүтээн байгуулалтын корпораци”-ийн Монгол инженерүүд, Монгол барилгачдын хөдөлмөрөөр сүндэрлэж байгаагаараа онцлог юм.
         Өнөөдрийн байдлаар ажлын явц 60 гаруй хувьтай байгаа бөгөөд эхний ээлжийн 500 айлын орон сууцыг энэ оны 12 сард ашиглалтад оруулахаар ажиллаж байна. 2014 онд Буянт-Ухаа хорооллыг бүрэн дуусгахаар төлөвлөж байгаагаа хотын даргад “Үндэсний бүтээн байгуулалтын корпораци”-ийн удирдлагууд хэллээ.   Энэ хороолол нь бүхэлдээ болон блок дундаа үлгэр жишээ тохижилттой байхаас гадна хүүхдийн тоглоомын талбай, ногоон байгууламж, машины зогсоол, газар дор нэгдсэн гаражтай, иж бүрэн тохижилттой байхаар төлөвлөжээ.  
         Нийслэлийн Засаг дарга “Бид үндэсний компаниудаа дэмжин ажиллах болно. Та бүхнийг энэ ажлаа дууссаны дараа “Ахмадын орон сууц” хөтөлбөрийн хүрээнд баригдах орон сууцны барилгуудыг нийслэлээс захиалж бариулна. Тиймээс та бүхэн ажлаа хугацаанд нь чанартай хийж гүйцэтгэвэл дараа дараагийн ажил чинь бэлэн байгаа шүү” гэлээ.  Буянт-Ухаа хороололд баригдаж байгаа барилгууд нь бүрэн цутгамал хийцтэй, нил төмөр бетон суурьтай, газар хөдлөлтөд тэсвэртэй гэж  албаныхан онцолсон.

Мэдээг оруулсан: b.tsoom.tsolmon
Эх сурвалж: улаанбаатар.мн

Сэдэв: бүтээн байгуулалт


Энэ мэдээ танд таалагдаж байвал LIKE хийгээрэй. Танд баярлалаа.

Манай сайт танд таалагдаж байвал LIKE хийгээрэй. Танд баярлалаа




Холбоотой мэдээ


Шинэ оны босгон дээр ахмад барилгачдаа шагнаж урамшуулахаар боллоо Шинэ оны босгон дээр ахмад барилгачдаа шагнаж урамшуулахаар боллоо
Монголын барилгын салбарын ахмадын хорооноос жил бүр уламжлал болгон олон жил барилгын салбарт аж... 16 цагийн өмнө
Вакум цонхыг хэрхэн дулаалах вэ? Вакум цонхыг хэрхэн дулаалах вэ?
Байшингийн дулаалга мөн ямар төрлийн сууц гэдгээсээ шалтгаалан өөр өөр байна. Мэдээж барилга байгуул... 20 цагийн өмнө
Г.Байгалмаа:Барилгын салбарт бодлогын түвшинд шийдэх асуудал олон байг... Г.Байгалмаа:Барилгын салбарт бодлогын түвшинд шийдэх асуудал олон байгаа
Аль ч улс орны хөгжил дэвшлийн нэгэн томоохон үзүүлэлт нь барилга, бүтээн байгуулалтын ажил байдгаас... 20 цагийн өмнө
Манай барилгын салбарт технологийн дэвшил хэрэгтэй байна Манай барилгын салбарт технологийн дэвшил хэрэгтэй байна
Дэлхий нийтэд барилга бүтээн байгуулалтын салбар асар хурдацтай хөгжиж байна. Хөгжлөө дагаад те... 20 цагийн өмнө

Дээшээ буцах