ЧД-ийн 72-р сургууль орчмын дахин төлөвлөлтийн ажил өнөөдөр эхэлнэ

b.tsoom.tsolmon
Нэмсэн: 2013-06-10

ЧД-ийн 72-р сургууль орчмын  дахин төлөвлөлтийн ажил өнөөдөр эхэлнэ

        НИТХ-ын 2013 оны 02-р сарын 25-ны өдрийн 3/31 дүгээр тогтоолоор баталсан “Гэр хорооллын дахин төлөвлөлтийн үйл ажиллагаа”-ны журмын дагуу нийслэл хотын 12 байршилд гэр хорооллын дахин төлөвлөлтийн төсөл хэрэгжүүлэхээр болсон. Журмын дагуу 12 байршлын 8 байршилд иргэдийн 60-80 хувийн дэмжлэг авч, төсөл хэрэгжүүлэх эрхтэй болсон 8 аж ахуйн нэгжид төсөл хэрэгжүүлэх “Батламж”-ийг нийслэлийн удирдлагууд гардуулсан юм. Энэ үеэр нийслэлийн ИТХ-ын дарга Д.Баттулга “06 сарын 20 гэхэд тодорхой хэсэгт газар чөлөөлөн, барилгын ажил эхэлсэн байх ёстой” гэсэн үүрэг өгсөн. Үүний дагуу “Батламж” авсан аж ахуйн нэгжүүд хэсэгчилсэн ерөнхий төлөвлөгөөгөө хийж, ажлын зургаа батлуулан, газрын зөвшөөрлөө авч, ажлаа эхлэх бүрэн боломжтой болж байна. Дээрх болзлыг бүрэн хангасан Чингэлтэй дүүргийн 13, 15-р хороо, 72-р сургуулийн орчмын 15 га газарт дахин төлөвлөлтийн төсөл хэрэгжүүлэх “Асар өргөө”, “Буурал сутай” ХХК-иуд тодорхой хэсэгт газар чөлөөлөн, бүтээн байгуулалтын ажлаа албан ёсоор эхлэх гэж байна. Эхний ээлжийн бүтээн байгуулалт хийх хэсгийн иргэдийг нүүлгэн, түр орон сууцанд оруулжээ. Тиймээс хугацаа алдалгүй ажлаа эхлүүлэхээр өнөөдөр /06 сарын 10 / 12 цагт ЧД-ийн 72-р сургуулийн орчим шав тавих ёслол хийх гэж байна. Ёслолын ажиллагаанд нийслэлийн удирдлагууд, төсөл хэрэгжүүлэх аж ахуйн нэгж, иргэдийн төлөөлөл оролцоно гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Эх сурвалж: ulaanbaatar.mn

Сэдэв: гэр хороолол


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.



Холбоотой мэдээ


Түрээсийн орон сууц ашиглалтад орсон ч холбогдох журам гараагүй байна Түрээсийн орон сууц ашиглалтад орсон ч холбогдох журам гараагүй байна
Өнгөрсөн онд Архангай аймагт түрээсийн орон сууц ашиглалтад ч одоог хүртэл холбогдох журам нь бат... 3 өдрийн өмнө
Бага сургууль, цэцэрлэгийн цогцолбор барилгуудын гадна инженерийн шуга... Бага сургууль, цэцэрлэгийн цогцолбор барилгуудын гадна инженерийн шугам сүлжээ, тохижилтын ажлыг гүйцэтгэнэ
Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Бага сургуу... 7 өдрийн өмнө
Ирээдүйн тэтгэврийн нөөц сангийн тухай хууль батлагдлаа Ирээдүйн тэтгэврийн нөөц сангийн тухай хууль батлагдлаа
Ирээдүйн тэтгэврийн нөөц сангийн тухай болон холбогдох хуулийн төслүүдийг өнөөдрийн УИХ-ын чуул... 17 өдрийн өмнө
Түрээсийн орон сууцны мкв-ыг 6500 төгрөгөөр тооцохоор болжээ Түрээсийн орон сууцны мкв-ыг 6500 төгрөгөөр тооцохоор болжээ
“Түрээсийн орон сууц” хөтөлбөрийг хэрэгжүүлэх зарим арга хэмжээний тухай Засгийн газ... 24 өдрийн өмнө

Дээшээ буцах