8 хувийн зээлийг иргэд юу гэж үзэж байна

Нэмсэн: 2013-06-06 Үзсэн тоо: 1259

8 хувийн зээлийг иргэд юу гэж үзэж байна

      Засгийн газраас орон сууцны эрэлт, нийлүүлэлтийг дэмжих, санхүүгийн тогтвортой байдлыг хангах зорилгоор олон арга хэмжээг авч хэрэгжүүлж байгаа билээ. Үүний эхлэл болгож барилга, барилгын материалын салбарыг дэмжих хөнгөлөлттэй зээлүүдийг олгож эхэлсэн бол одоо орон сууцны моргейжийн зээлийг иргэдэд өгөхөөр журмаа гаргаж байна. Харин уг зээлийн талаар иргэд ямар саналтай байгаа болон төрийн байгууллагууд ямар хариулт өгч байгааг сонирхлоо.

Иргэд:

-         8%-ийн орон сууцны зээлийг 1м2-ийн үнэ 1,2 саяд багтаж байгаа тохиолдолд тийм хүүг олгоно гэсэн заалт оруулж өгмөөр байна. Зээлийн хүү буурлаа байрны үнэ нэмэгдэнэ. Энэ тал дээр анхаарах хэрэгтэй байна.

-         Барилгын компаниуд нь метр квадратын үнээ буулгах хэрэгтэй байна. Буулгасан компанид эрх өгдөг маягаар шийдэх хэрэгтэй байна.

-         Ипотекийн зээлийг хэзээ эхлүүлэх вэ? Даруйхан эхлүүбэл сайн байна. Маш зөв зүйтэй журам батлуулжээ. Та бүхний ажилд улам их амжилт хүсье

-         Орон сууцны үнийг өсгөхгүй байх талаар саналаа хэлэх гэсэн юм. Үүнтэй холбоотойгоор үндсэн хөрөнгийн татварын хуулийг гаргах хэрэгтэй байна. Нэг өрхөд нэг л орон сууц байх ба илүү гарсан байрыг үндсэн хөрөнгийн татварын хуулийн дагуу нэмж тооцож авдаг байх. Хэрвээ тэгэх юм бол байр орон сууцны ченжүүд илүү байраа зарж эхэлнэ. Өнөөгийн байдлаар өрхийн хэрэгцээнээс давсан байртай айлууд маш их байгаа бөгөөд энэ нь орон сууцны хангамжийг нэмэгдүүлэхгүй байна. Тиймээс энэ асуудлыг нарийн судлаад хууль гаргах хэрэгтэй гэж үзэж байна

Монголбанкны Ерөнхийлөгчийн зөвлөх, ерөнхий эдийн засагч С.Болд:

Жилийн найман хувийн хүүтэй зээлийг яг хэзээнээс олгож эхлэх вэ?Зээл олгох журам батлагдсан уу?

- Ипотекийн санхүүжилтийн журам үндсэндээ бэлэн болж байна. Санхүүгийн зохицуулах хороо, Хуульзүйн яаманд журамд өөрчлөлт оруулах асуудал гарна. Тэгэхээр эдгээр асуудлыг шийдээд маргааш нь л зээл олгож эхэлнэ. Хугацааны хувьд энэ зундаа бүх зүйлийг шийдвэрлэж дуусна гэж тооцоолсон.

БХБЯ-ны Стратеги бодлого төлөвлөлтийн газрын дарга Мэргэнбаяр:

-Орон сууцны моргейжийн зээлийн журам юунаас болж хойшлоод байна вэ?

-Бид эхний ээлжинд гэр хорооллын дахин төлөвлөлтийн төсөл хэрэгжүүлэгчдийг сонгон шалгаруулж,  төслийн ажлыг эхлүүлэх асуудлыг шийдвэрлэлээ.  Харин дараагийн ээлжинд орон сууцны нийлүүлэлтийг дэмжих ажлуудыг зохион байгуулж байна.  Юуны өмнө дуусаагүй барилгуудыг энэ ондоо багтааж ашиглалтанд оруулахын тулд барилгын компаниудад зээл олгохоор боллоо. Өнөөдрийн байдлаар энэ зээлийг  нэлээн хэдэн компани аваад барилгын ажлаа үргэлжлүүлээд явж байгаа. Ингээд барилгуудаа ашиглалтанд оруулаад нийлүүлэлтээ нэмэгдүүлсний дараа эрэлтийг дэмжих асуудал яригдана. Моргейжийн зээл нь 20 жил үргэлжлэх бөгөөд иргэн банк хоёрын дунд үүсэх олон жилийн харилцааг зохицуулах учраас  маш нухацтай хандаж байна.  Энэ бол хурдан хугацаанд яарч шийдвэрлэх ажил биш.

Мэдээг оруулсан: b.tsoom.tsolmon
Эх сурвалж: барилга.мн

Сэдэв: зээл санхүү


Энэ мэдээ танд таалагдаж байвал LIKE хийгээрэй. Танд баярлалаа.

Манай сайт танд таалагдаж байвал LIKE хийгээрэй. Танд баярлалаа




Холбоотой мэдээ


Нийслэлийн дүүргүүдэд “Түр уулзах цэг” байгуулж эхэллээ Нийслэлийн дүүргүүдэд “Түр уулзах цэг” байгуулж эхэллээ
Нийслэлийн иргэдийн эрүүл аюулгүй орчинд амьдрах нөхцлийг бүрдүүлэх үүднээс төвийн зургаан дүүрэгт... 16 цагийн өмнө
Барилгын ослыг бууруулахад иргэн таны ч оролцоо хэрэгтэй Барилгын ослыг бууруулахад иргэн таны ч оролцоо хэрэгтэй
Сүүлийн үед барилгын салбарт осол ойрхон гарч хүний амь нас эрсдсэн тохиолдол гарах болсон. Ослын 80... 1 өдрийн өмнө
"Эм Си Эс" компанийн барилгад юуны учир гал гарав "Эм Си Эс" компанийн барилгад юуны учир гал гарав
“Эм Си ЭС” группын захиалгаар Хүүхдийн паркын ард баригдаж буй "Шангри Ла" барилга д... 1 өдрийн өмнө
Ахмад барилгачдаа баярлууллаа Ахмад барилгачдаа баярлууллаа
Олон улсын ахмадын баяр маргааш тохионо. Энэхүү өдрийг манай улс өргөн тэмдэглэж ирсэн бөгөөд албан ... 1 өдрийн өмнө

Дээшээ буцах