Сайхан сэтгэлийн тус


 Сайхан сэтгэлийн тус

“Энх-Эсэн” ХХК-ны Зөвхөн Монголдоо мебель тавилгын үйлдвэрээс сайн үйлсийн аяныг зохион байгуулж байгаа бөгөөд эхний үе шат нь өнгөрөгч цагаан сарын баярын өдрөөр явагдаж өнгөрлөө. “Зөвхөн монголдоо” мебель тавилгын үйлдвэрийн маркетингийн албанаас Сонгино-Хайрхан дүүргийн бага нарангийн 42-19 тоотод оршин суугч Б. Лхамсүрэн гэгч 104 настай эмээгийнд зочилон өөрийн амьдарч буй жижиг байшинд нь гал тогоо, ханын шкаф, бурханы гуу, зурагтын тавиур зэрэг тавилгыг үнэгүй хийж өгч, гарын бэлэгээ гардуулсан юм. Б. Лхамсүрэн нь өөрийн ганц охин Б.Олдодгүйн хамт амьдардаг ба 3 жилийн өмнөөс хэвтэрт орсон байна. Охин Б.Олдодгүй нь 68 настай тэтгэвэрийн хөгшин байгаа нь үнэхээр нүдээ олсон туслалцаа байсан гэдгийг илтгэн харуулж байна. Тэдний хувьд хэн нэгнээс туслалцаа гуйлгүйгээр тэтгэвэрийн хэдээрээ амьдралаа болгоод байдаг гэж ярьж байсан. Үйлдвэрийн маркетингийн менежер хэлэхдээ бид Зөвхөн Монголдоо чанартай тавилга хийж, айл өрх, албан байгууллагын хэрэгцээг бүрэн хангаж чадах үйлдвэр төдийгүй нийгмийн өмнө хүлээсэн үүрэг хариуцлагаа ухамсарлан амьдрах итгэл сэтгэлээр дүүрэн, залуу халуун насаа монголынхоо төлөө, үр ач нарынхаа төлөө зориулсан ахмад буурлууддаа хүндэтгэл үзүүлэх зорилгыг өвөртлөн энэхүү сайн үйлсийн аяныг эхлүүлсэн юм гэж хэлж байлаа. “Зөвхөн Монголдоо” мебель тавилгын үйлдвэрийн маркетингийн албанаас сайн үйлсийн аяны 2-р үе шатыг 3 сарын 5-20 ны хооронд зохион байгуулах ба бидний үйл ажиллагаанд идэвхитэй оролцон хамтран ажиллах байгууллага, хувь хүмүүст бидний үүд хаалга үргэлж нээлттэй байх болно.                  Бидэнтэй холбогдох утас: 96006212, 70140455 / маркетингийн алба /

Эх сурвалж:

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.