БХҮНТ-ийн Удирдах зөвлөлийн хуралдаан боллоо.

ariunsanaa ariunsanaa
2019-11-05
БХҮНТ-ийн  Удирдах зөвлөлийн хуралдаан боллоо.

"Барилгын хөгжлийн үндэсний нэгдсэн төв" мэргэжлийн холбоодын үүсгэн байгуулсан мэргэжлийн төрийн бус байгууллагын Удирдах зөвлөлийн 2012 оны 12-р сарын 07 өдрийн ээлжит хуралдаан боллоо.

Тус хурлаар Удирдах зөвлөлийн даргын сонгууль явуулах асуудлыг хэлэлцэж тус төвийн удирдах зөвлөлийн даргаар ажиллаж байсан Л.Нямсамбуу дарга сонгуульт ажлаас чөлөөлөгдөх хүсэлт гаргасныг хүлээн авч, шинээр удирдах зөвлөлийн дарга сонгох сонгууль нууц санал хураалтаар явагдаж Г.Мягмар санал хураалтад оролцогчдын 89% -ийн санал авч тус төвийн Удирдах зөвлөлийн даргаар сонгогдлоо. Г.Мягмар нь барилгын салбарт 34 жил ажиллаж байгаа , архитектор мэргэжилтэй, салбарын төрийн болон төрийн бус байгууллагад олон жил удирдах ажил хийсэн Монголын архитекторуудын эвлэлийн удирдах зөвлөлийн гишүүн, Барилгын зураг төсөл зохиогчдын холбооны ерөнхийлөгчөөр ажилладаг туршлагатай удирдах ажилтан юм.

Тус төвийн Удирдах зөвлөл нь 2012 оныхоо ажилд үнэлэлт өгч, 2013 онд салбарын шинэчлэлтийг эрчимжүүлэх, эрх зүйн болон техник технологийн шинэчлэлтийг идэвхижүүлэхэд салбарын яам, мэргэжлийн холбоодын хамтын ажиллагааг бэхжүүлэн салбарын хөгжлийн бодлогыг хэрэгжүүлэх үйлсэд хамтран ажиллах зорилт дэвшүүллээ.

Барилгын хөгжлийн үндэсний нэгдсэн төвийн ажлын алба