Үүдэнд хөглөрөх гутал үгүй

Үүдэнд хөглөрөх гутал үгүй
Үүдэнд хөглөрөх олон гутлыг цэгцтэй байлгах нэгэн энгийн аргыг танилцуулж байна.
Хэрэглэгдэх материал: 1метр орчим урттай нарийн савхан мод 4ш, нимгэн ДСП хавтан юмуу аргелит, цахилгаан өрөм, цахилгаан зүсэгч байхад гутлын тавиуртай болоход хангалттай.
Эхний алхам: ДСП хавтангаа ашиглан тавиурынхаа хөлийг хийх хэрэгтэй. Гутлын тавиурыг 5 хөлтэй байхаар бодож хавтан дээрээ дараах дүрсүүдийг зурж зүсэж авна. Тавиурын хөлний дүрс янз бүр байх тусмаа харагдах үзэмжийн хувьд чамин, гоёмсог харагдана. ДСП хавтангаас гадна фанер хэрэглэх боломжтой.  Учир нь ДСП-ээс арай зөөлөн материалыг тавиурын хөлөнд ашигласан тохиолдолд та заавал цахилгаан зүсэгчийг ашиглахгүй байж болно.
Хоёрдох алхам: Зүсэж авсан дүрст хөлнүүдээ тавиур болох нарийн модтой холбохын тулд дүрст хөлний 4 өнцөгт нүх гаргана. Гаргасан нүх тавиур хийх нарийн модны өргөнөөс арай бага байх шаардлагатай. Учир нь том нүх гаргавал тавиур тогтохгүй унах болно. Бүх хөлнүүддээ нүх гаргаж дууссан бол тавиурын нарийн модонд хөлнүүдээ хэлхэнэ.
За ингээд бидний хийсэн гутлын тавиур бэлэн боллоо. Тавиураа материалын өөрийнх нь өнгөтэй байлгахыг хүсвэл зүлгүүрээр хөнгөхөн үрж өө сэвийг нь дарж өгөөрэй. Мөн өөрийн хүссэн өнгөөр загвараар будах боломжтой.

Холбоотой мэдээ