хувцасны шкафыг зөв сонгох хэрэгтэй
Хувцасны шкафаа хэрхэн сонгох вэ?
Хувцас хийдэг шкаф гэхээр ямар ч хамаагүй хувцас хийх модон шүүгээ бодож байна уу? Тэгвэл та бусдад өөрийгөө интерьерийн талаар ямарч ойлголтгүй хүн гэж бодогдоход хүргэх нь. Хамгийн гол нь орон гэртээ тухтай сайхан орчинг бүрдүүлэн, хайрлаж хамгаалдаг үр хүүхдүүдийнхээ эрүүл ахуйд нь нийцэх талаар бодон сонгох хэрэгтэй. Мөн тус шкафны материалыг хамгийн түрүүнд анхаарч үзэх шаардлагатай юм байна.
Шкафны хаалга нь хамгаалалтгүй шил болон толь байх нь мэдээж аюултай байдаг тул шил болон тольны бат бөх чанарыг сайжруулан зориулалтын хуулга наасан байвал зүгээр. Ийм хуулгатай шкафны шилэн хаалгыг санамсаргүй байдлаар цохисон тохиолдолд бутарсан ирмэгт хэсгүүдийг барьцалдуулан барьж чаддаг учир гэнэтийн аюул ослоос таныг болон танай гэр бүлийг найдвартай хамгаална.
Тавилгын арчилгаа
- Тавилга дээр суусан тоос шороог зүгээр нойтон даавуугаар арчиж зүлгэх нь тийм ч үр дүнтэй цэвэрлэгээ биш.
- Тавилга дээрээ нойтон алчуур тавиад мод, саваагаар зөөлөн цохь. Ингэвэл тоос нь чийгтэй алчуурт шингэж, агаарт дэгдэхгүй.
- Тоосыг нь арчсан тавилгаа сайтар хатсаны дараа мебель өнгөлөгч тусгай бодисыг хуурай даавуунд шингээж жигд түрхэнэ.
- Хуурай алчуураар сайтар арчвал гялалзсан өнгөтэй болж шинэ юм шиг харагдана.