Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
ЗТБХБЯ-ны ССХОБЗА-ны хэлтсийн инженер П.Ганбаатар : Цэвэрлэх байгууламжийн ажил төлөвлөгөөний дагуу хийгдэж байна
- Ярилцлагаа танай байгууллагын сүүлд хийж, хэрэгжүүлж байгаа ажлаас эхлэе гэж бодож байна. Аймгуудын цэвэрлэх байгууламжуудыг шинэчилж байгаа гэсэн. Энэ ажлын хэрэгжилт ямархуу байна вэ?
- Өнгөрсөн жилээс эхлэн улсын төсвийн хөрөнгө оруулалтаар цэвэрлэх байгууламжуудын өргөтгөл, шинэчлэлтийн ажлыг хийж байна. Цэвэрлэх байгууламж хоцрогдсон технологитой, засварлах шаардлагатай байгаа учраас бохир усыг цэвэршүүлж чадахгүй байгаль орчинд эргээд сөргөөр нөлөөлж байна. Энэ асуудал дээр ЗТБХБЯам, ГХГЗЗГ-аас тодорхой бодлого барьж ажилласаны үндсэн дээр орчин үеийн шинэлэг, дэвшилттэй технологитой тоног төхөөрөмж ашиглан цэвэрлэх байгууламжуудыг өнгөрсөн оноос шинэчилж эхлээд байна. Анхных нь Төв аймгийн цэвэрлэх байгууламжийн ажил юм. Энэ цэвэрлэх байгууламж нь иж бүрэн биологийн цэвэрлэх байгууламж, механик цэвэрлэгээ хийгдсэний дараа 3 дахь цэвэрлэгээ болох био цөөрмийг давхар ашиглан цэвэрлэгээний үр дүнг сайжруулах зорилготойгоор цэвэрлэх байгууламжийн зураг төслийн дагуу барилга угсралтын ажил хийгдэж байна.
Төв аймгийн цэвэрлэх байгууламж дээр хийгдэж байгаа ажлын гол нь лаг боловсруулах төхөөрөмж юм. Өмнө ашиглагдаж байсан төхөөрөмж нь илүүдэл лагаа лагын талбай дээр гаргаж байгалийн аргаар хатаагаад хуулж авдаг технологи байсан. Харин энэ технологи нь шууд 2 дугаар тунгаагчаас гарсан лагыг лаг боловсруулах төхөөрөмжөөр дамжуулан усгүйжүүлж бүтүүлэн савладаг. Энэ нь байгаль орчин бохирдуулахгүй, эвгүй үнэр гарахгүй гээд олон давуу талтай юм. Мөн халдваргүйжүүлэх технологит Электролизийн аргийг ашиглаж байна. Өмнө нь хэрэглэж байсан арга нь зардал өндөр, аюулгүй ажиллагааг дээд зэргээр шаарддаг байсан. Электролизийн арга нь ашиглалтын дараах зардлыг маш их хэмнэхээс гадна аюулгүй байдлыг дээд зэргээр хангаж чадсан. Цэвэрлэх байгууламжуудыг компьютерийн удирдлаганд шилжүүлж байгаа бөгөөд ирж байгаа усны хэмжээ, усан дахь бодисын найрлагуудыг тодорхойлоод түүнийхээ дагуу цэвэрлэгээнийхээ түвшинг хянаад, удирдаад явах боломжтой учраас механик ажиллагааг хөнгөвчилж өгсөн давуу талтай. Энэ жишгээр цаашид аймгуудын цэвэрлэх байгууламжуудыг шинэчлэнэ.
- Тухайн цэвэрлэх байгууламжийн угсралтыг хийх компанийг тендер зарлан шалгаруулж байгаа гэсэн. Нэг цэвэрлэх байгууламжид зарцуулагдаж байгаа өртөг зардал ямар байна вэ? Санхүүжилтийн асуудлыг хаанаас гаргаж байна.
- ГХГЗЗГ-ын дэргэд ШУТИС-ын багш н.Балсандоржоор удирдуулсан “Мэргэжлийн зөвлөл” гэж байдаг. Шинээр хийгдэж байгаа зураг төслийг эскизийн шатанд энэ зөвлөлөөр хянуулан, нэмэгдэл зөвлөгөө авч зураг төсөлд тусгах зарчимаар явж байна. Ингэснээр нэг байгууллага цэвэрлэх байгууламжийн асуудлыг бие даан шийдэх биш холбогдох төрийн байгууллагууд бодлого болгон ажиллаж байгаагын нэг бодит үр дүн гэж ойлгож болно. Харин өргөтгөл шинэчлэлтийн асуудлыг улсын төсвөөс шийдэж байна. Нэг цэвэрлэх байгууламжинд зарцуулагдаж байгаа өртөг нь овор хэмжээ, хүчин чадлаасаа хамааран янз бүр байна. Одоо Төв аймгийн цэвэрлэх байгууламжийн тоног төхөөрөмжийн шинэчлэлтийн ажлыг 2010 онд зарлагдсан тендерт шалгарсан “Набсан” ХХК гүйцэтгэж байна. Энэ компани өмнө нь олон угсралтын ажлыг хийж байсан туршлагатай компани юм.
- Цаашид яг ийм журмаар бүх аймгуудын цэвэрлэх байгууламжийг шинэчлэх үү? Энэ техник технологийг хаанаас авч хэрэглэж байна.
- Ерөнхийдөө бол манай улсад 105 орчим цэвэрлэх байгууламж бий гэсэн бүртгэл байдаг.
Үүнээс 21 аймагийн цэвэрлэх байгууламжийг шинэчлэнэ гэсэн Засгийн газрын 2008 – 2012 оны үндсэн чиглэлд заагдсан төлөвлөгөөний дагуу бүх шинэчлэл өргөтгөлийн ажил хийгдээд явна. Техник технологийн хувьд аль хэдийн гадны орнуудад хэрэглэгдээд, туршигдаад үзчихсэн техник технологийг хэрэглэж байна. Тухайлбал: Орос, Хятад, Солонгос, Япон гээд сайн сайн чанартай технологиос манай орны уур амьсгалд тохиромжтойг нь сонгон, Мэргэжлийн зөвлөлөөр нь хянуулаад хэрэглэж байна.
Бидэнд мэдээлэл өгсөн таньд баярлалаа.