Тоосгон пийшин барих

Гэртээ пийшин барина гэдэг тийм амаргүй ажил уу? Үгүй ээ, доорхи зургийг хараад хийвэл амархан. Заавал мэргэжлийн хүн гэхээргүйгээр та өөрөө “мэргэжилтэн” болж болно. Гэхдээ мэдээж тоосго буюу бусад төрлийн блокоор өрлөг хийх, плита наах, шавардлага хийх зэргийн наад захын мэдлэг шаардлагатай. Харин бусдыг нь /загвар, техникийн тооцоо, зураг төсөл/ зэргийг нь мэргэжлийн хүмүүсээр гаргуулсан байвал болно. Пийшингийн тоосгыг зүгээр давхарлан тавих биш шаврыг өрлөгөндөө ашиглах учраас эв дүй, жаахан цаг хугацаа байхад болно.
Өнөө үеийнхээр тоосгон, чулуун пийшин гэж юуг хэлээд байна вэ? Академик тодорхойлолтоор бол түлээгээр галладаг нэг төрлийн зуух. Пийшингийн галлах тасалгаа/камер/-нд нь тодорхой хэм хүртэл халаад өрөөг дулаан байлган тэр хэмээ барьдаг шамот/Орос хэллэг/ хэмээх материалыг хэрэглэдэг бөгөөд сайн баригдсан пийшин өдрийн турш дулаанаа алдахгүй ба гэрийн температурыг тохиромжтой байлгах үүднээс хоногт хоёр удаа галлахад хангалттай байдаг. Түүнээс гадна, түлээнд багахаан хэмжээтэй мод орох тул агаарт ямар нэгэн хортой хаягдал гарахгүй юм.
Пийшин бол гэрт тав тухтай, эрүүл оршихуйг бий болгоход тун тохиромжтой. Пийшин нь нартай адил зарчмаар халаадаг. Гэрийн доторхи агаарыг халаахад дээш хөөрөн оронд нь хүйтэн агаар орж ирэн хөргөнө. Нар дулаан ялгаруулдаг бол пийшин мөн түүнтэй адил юм. Түүнээс дулаан ялгарснаар ханан дахь чийгийн хэмжээ тохиромжтой хэмжээнд хадгалагдаж, тоос босохгүй. Барилгын эрүүл ахуй талаас нь авч үзвэл, энэ нь хамгийн тааламжит бичил уур амьсгалыг гэрт бүрдүүлж өгдөг байна. Бүр янз бүрийн харшлийн өвчнөөр өвдөмтгий хүмүүст хүртэл тохиромжтой байдаг гэнэ. Пийшин бол шал болоод хананаас дулааныг маш сайнаар ялгаруулан, халаах нэгэн цогц систем юм.
Тоосго буюу өөр төрлийн блокоор пийшинг барихдаа өрөөг аль болох голлуулж өгвөл зүгээр. Ийм бол пийшингээс ялгарсан дулаан агаар байрыг бүхэлд нь жигд халааж өгнө. Галлах тасалгаа/камер/-г нь аль болохуйц том хэмжээтэй хийвэл зүгээр. Энэ нь галлах тасалгаа хир том байна тэр хэмжээгээр дулаан ялгаруулж, илчтэй байдагтай холбоотой.

Алхам 1
Шалан дээрээ пийшингийн суурийг хөнгөн бетоноор шууд өрнө. Түүний дээрээс пийшинд агаар оруулж түлшний шаталтыг дэмжихэд чухал нөлөөтэй байдаг нүхтэй хавтанцарыг нааж өгнө.  Хийхдээ хаана галлах камер нь байх, пийшингийн амны байрлал зэргийг тусгаж өгсөн хар зураг ашиглавал зохино.




Алхам 2

Пийшингийн гол хэсэг байрлах газарт, суурийн дээрээс цельсийн 1300 хэм хүртэлх халалтыг даах чадвартай галд тэсвэртэй уусмал түрхэж өгвөл зүгээр. 





Алхам 3

Пийшинг “2 давхар” хийж өгнө. Утаа зайлуулах яндантай холбогдох дотоод хэсгийг галд тэсвэртэй шамот материалаар бүрээд гадна талын хэсгийг нь блокоор өрнө





Алхам 4

Эхлээд пийшингийнхээ барих хэсгүүдийг бие биетэй нь ямар нэгэн барьцалдуулах зүйл хэрэглэлгүйгээр эвлүүлээд барьж үзэх хэрэгтэй. Хажуугийн зурагнаас харвал яаж эвлүүлж үзэх нь тодорхой харагдаж байна.




Алхам 5
Хэсгүүдийг барьж үзээд хэрхэн өрөх ёстойг нь харсан бол пийшингийнхээ галд тэсвэртэй уусмалаар өнгөлсөн суурин дээр тавиад өрөхөд болно.





Алхам 6
Зурган дээр харагдаж байгаа баруун талд буй галлах камераас гадна, туслах камерийн зайг гаргах ёстой. Галлахад түүний хэм гол камерийнхаас арай бага 700-1000о С-д хүрдэг.




Алхам 7
Пийшингийн ханыг зохих түвшинд хүртэл өрөөд дууссаны дараа тэгш усаар шамот хавтангаар өрсөн хэсгүүдийн тэгшхэн байгаа эсэхийг шалгана. Тэгш биш бол резин алхаар цохиж тэгшлэнэ.




Алхам 8
Ингээд пийшингийн гол галлах камер, туслах камер бэлэн боллоо. Харин дараа нь дээд талыг битүүлнэ. Ингэхдээ галлах камер нь хэдийчинээ том байна, төдийчинээ дулаахан илчтэй болдог гэдгийг бүү мартаарай. Пийшингийн дээд хэсгийг шамот хавтангаар битүүлээд чигжиж өгнө. Битүүлэхдээ хүчээр дарж наах гэсний хэрэггүй жингээр нь наалдуулахад болно.


Алхам 9
Пийшингийн ар хэсэгт нь хүхээг хийнэ. Үүгээр дамжин пийшингээс гарсан халуун хий хөрөх бөгөөд ингэснээр пийшин бүхэлдээ халж дулаанаа барьж байдаг





Алхам 10
Шамот хавтангаар хийсэн хэсгүүдийг эвлүүлэн холбоно






Алхам 11
Хүхээгийг шууд утаа зайлуулах яндантай холбоно. Утаа яндангийн хоолойд орох хүртэл түлшний шаталтаас ялгарсан хий пийшингийн ханыг дулаан байлгадаг





Алхам 12
Пийшингийн ханыг тэгшхэн байлгах үүднээс тэгш усаар тэгш гадаргуутай байгаа эсэхийг шалгахаа бүү мартаарай





Алхам 13
Пийшингийн дээд талаас суурийнх нь дээр тавьсантай адил хэмжээний зузаантай нүхтэй хавтанцарыг тавина





Алхам 14
Пийшингийн галлах амыг янзлан пийшингийн дээд талыг битүүлснээр дээд талаас нь чулуун хавтанцар тавьж наах ажил үлдэнэ дээ.





Алхам 15
 
Дээрхи үйлдлийг гүйцэтгэхийн тулд ердийн зузаан керамик хавтанцар /плита/ ашиглаж болно. Хээтэй плитаг хээг нь тааруулан хийвэл үзэмжтэй гоёмсог харагддаг.





Алхам 16
Пийшинг “амьд” харагдуулахын байгалийн шавраар өнгөлж өгнө.






Алхам 17
Пийшингийн шавардлагааг жигд тэгш гадаргуутай болгохын тулд барилгын тор /сетка/-ыг ашиглана





Алхам 18
Эцэст нь пийшинг бүхэлд нь шавардана. Ингэхдээ овон довонтой биш жигдхэн шавардсан байвал зохино.






Алхам 19
Пийшингийн амыг тойрсон зай завсарыг шавраар сайтар чигжин жигдхэн өнгөлнө







Алхам 20
Байгалийн чулуун хавтанцарын дээр барилгын чигжигч уусмал түрхэнэ. Дараа нь зүлгүүрдэн арилгахад дээд гадаргуу нь жигдхэн болж ямар нэгэн нүх сүв зай завсаргүй болсон байна.
Ингээд бараг пийшингээ бариад дуусчихлаа. Пийшинг өнгөлсөн шавар хаттал багагүй хугацаа шаардагдах ба бүрэн хатаж дууссаных нь дараа өнгөгүй лак буюу шавар будахад тохиромжтой будгаар будаж болно.





Эх сурвалж:

Сэтгэгдэл (7)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    БОДОН 2013-11-04 17:08 202.126.91.69

    ЗУРАГ ХААНА БАЙНАА
    зочин 2015-09-24 15:13 202.179.10.210

    Энэ мэдээллийн зураг нь хаана байна вэ пийшин барих загварыг нь тавиач
    Сайханаа 2016-06-22 19:33 202.179.27.180

    Зургийг нь хийлдээ
    Uunoo 2016-05-03 15:20 112.72.11.120

    Zurag n bhgvi ymuu heregtei ym bn
    мөнхөө 2017-08-31 15:56 27.123.214.102

    зураг л хэрэгтэй байна
    мөнхсайхан 2018-01-20 19:17 202.9.42.159

    зураг байхгүй юу ч ойлгосонгүй зургаа тавиач
    bold 2018-09-30 00:04 66.181.160.124

    sn bnuu zurag bhgui bnaa