Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Долдугаар хорооллын бүтээн байгуулалтын ажил эхэллээ
Өчигдөр НИТХ-ын Тэргүүлэгчдийн хуралдаан хэд хэдэн чухал асуудлыг хэлэлцсэн юм. Үүний нэг нь хотын төдийгүй нийслэлийн иргэдийн хамгийн тулгамдсан асуудлын нэг болох агаарын бохирдолын тухай асуудал байлаа. Өөрөөр хэлбэл нийслэлийн гэр хорооллын айл өрхийг нүүлгэн шилжүүлэх, газар чөлөөлөх, барилгажуулах ажлыг зохион байгуулах үүрэг бүхий "Төслийн нэгж" байгуулахыг Тэргүүлэгчид дэмжив. Үүний хүрээнд Сүхбаатар дүүр-гийн долдугаар хорооллын газар чөлөөлөх ажлын эхлэл өчигдөр тавигдлаа.
Сүхбаатар дүүргийн 9,10,11,12 дугаар хорооны нутаг дэвсгэр дэх 210 га газарт 46 мянган хүн амтай Засаг захиргаа худалдаа бизнесийн төв, эмнэлэг, сургууль, цэцэрлэгт хүрээлэн бүхий 10950 айлын орон сууцны цогцолбор хороолол барих хэсэгчилсэн ерөнхий төлөвлөгөө боловсруулсан байна. Уг нутаг дэвсгэрт одоогийн байдлаар инженерийн шугам сүлжээ, барилгажилтын нийт талбайд гэр хороололд 2508 нэгж, барилгажсан хэсэгт 372 нэгж байрлаж буй бөгөөд таван үе шаттайгаар талбай чөлөөлөх ажлыг зохион байгуулна.
Энэ онд 50 га талбайд 854 нэгж талбар буюу аж ахуйн нэгж айл өрхийн газрыг чөлөөлөх ажлыг эхлүүлэх талаараа хотын дарга өөрийн биеэр НИТХ-ын Тэргүүлэгчдийн хуралдаан дээр ирж танилцуулсан юм. Мэдээж анх удаа хийгдэж байгаа ажил болохоор багагүй бэрхшээлтэй тулгарах нь дамжиггүй. Гэхдээ зориглон хөдлөхгүй бол хот гэр хорооллоосоо салж чадахгүй гэдгийг онцлов. Энэ бүх ажил хот дээр төвлөрч Улаанбаатар хотын Захирагч төслийн нэгжийг зангидаж ажиллах юм. Сангийн яам, ЗТБХБ яам, Эрдэс баялаг эрчим хүчний яамтай хамтарна гэдгийг тодотгов. 2011 онд ерөнхийдөө газар чөлөөлөх ажил хийгдэж таарах байх. Сүхбаатар дүүргийн долдугаар хорооллыг орон сууцжуулахын тулд энэ онд 1,2 км урттай, 300 мм голчтой цэвэр усны шугам, 2,5 км урттай, 600 мм голчтой бохир усны шугам, 12 км урттай 10 квт-ийн цахилгааны кабель шугам зэрэг дэд бүтэц шугам сүлжээний ажил хийгдэнэ. Дээр дурдсан дэд бүтэц, шугам сүлжээ, авто зам байгуулах газарт одоо байгаа 512 айл, албан байгууллагыг нүүлгэж газрыг нь чөлөөлнө.
Энэхүү ажил хийгдсэнээр 2162 яндан, таван жилд 5517 яндан үгүй болж нийслэлийн хувьд тулгамдсан гол асуудал болох агаарын бохирдол бууруулахад тодорхой үр дүнд хүрнэ гэдгийг хотын дарга онцолсон. Дээрхи ажлыг гардан гүйцэтгэх таван хүний орон тоотой "Төслийн нэгж" ажиллуулах саналаа тавьсан. НИТХ-ын Тэргүүлэгчид төслийн зохицуулагч, газар чөлөөлөх ажлыг гардан зохион байгуулж айл өрх, албан байгууллагуудтай нэг бүрчлэн тулж ажиллах хоёр менежер, нягтлан бодогч, нярав гэсэн 5 орон тоог дэмжиж, цаашдаа энә тоог нэмэгдүүлэх шаардлагатайг бүгд хүлээн зөвшөөрлөө.
Энэ үеэр нийслэлийн Засаг дарга бөгөөд Улаанбаатар хотын захирагч
Г.Мөнхбаяраас
энэ талаар тодруулсан юм.
-Шинээр баригдах долдугаар хорооллын ажил өчигдрөөс эхэллээ. Энэхүү ажил нийслэл хотын хувьд анхных учраас төслийн нэгжийг байгуулж бүтэцийг нь баталлаа?
-Дэлхийн бусад бүх улс орнууд яг энэ жишгээр гэр хорооллоосоо ангижирсан байдаг юм. Энэ ажлыг бид газраа өмчилж авсан иргэдтэйгээ хамтарч хийнэ. Анх удаа хийх гэж буй ажил болохоор амаргүй байх нь мэдээж. Нийслэлийн иргэдийн хурлын тэргүүлэгчдээс баталж өгсөн "Гэр хорооллын барилгажилт" төслийн баг эхний удаад газар чөлөөлөх ажлыг гардаж хийнэ. Төслийн багийг хотын дарга миний бие зангидна. НИТХ-ын 6 дугаар хурлаас баталж өгсөн 20 тэрбум төгрөгөөр ажил эхэлнэ. Газраа чөлөөлөх айлуудаас газраа байраар солих уу, аль эсвэл бэлэн мөнгө авах уу гэдгийг нь асууна.
Газар эдийн засгийн эргэлтэнд орж байна гэсэн үг. Улаанбаатар хотын хөгжлийн түлхүүр болсон гэр хорооллыг нүүлгэн шилжүүлэх энэ ажил хотыг утаанаас салгах хамгийн том арга зам юм. Төсвийн тодотголоор цаашид газар чөлөөллөхөд зарцуулах хөрөнгө оруулалтын хэмжээ байнга нэмэгдэнэ. Тийм учраас иргэд Улаанбаатар хотын хөрс агаарын бохирдол, хөрсөнд маш их нөлөөлж байгаа энэ ажилд хамтарч ажиллах шаардлагатай. Эхний ээлжинд бүх мэдээллээр хангах учраас тэнд ажиллах иргэдийн хүрээнд газар чөлөөлөх төслийн нэгж иргэдийн дунд ажиллана. Иргэд болон хотын хамтын ажиллагааны хүрээнд энэ төсөл үр дүнгээ өгнө гэдэгт итгэлтэй байна. Дараагийн долоо хоногоос төслийг удирдах нэгжийг зохион байгуулж хэрэгжүүлэх тусгай удирдлагыг томилно. Тэгээд энэ ажил эхлэнэ. Эхний ээлжинд байгаа судалгаандаа үндэслэнэ. Хичнээн айл амьдарч байна, ам бүл нь хэд, байр авах сонирхол байна уу, байвал ямар арга замаар авах гэж байна, зээл авсан уу үгүй юу гээд бүх зүйлийг нэгтгэж байгаа. Тэгээд орон сууц санхүүжилтийн корпорациар баригдах зээлийн орон сууцны бэлтгэлд энэ асуудлыг уялдуулна.
Түүнчлэн хувиасаа хөрөнгө гаргаад газрыг нь худалдаж авсан барилгын хувийн компаниуд байгаа. Тэр байгууллагын үйл ажиллагааг бас индексжүүлж Нэгжийн үйл ажиллагаатай холбох, өөрөөр хэлбэл тэнд ажиллах, хөрөнгө оруулалтуудыг нэг бодлогоор зангидаж өгнө. Өөр өөрийн хүрээндээ, өөр өөрийн бодлогоор явна гэж байхгүй. Иргэдэд ойлгомжтой тодорхой байх үүднээс хотоор дамжин үндсэн хөрөнгийн хөдөлгөөн хийгдэж газар чөлөөлөх ажил хийгдэнэ хэмээн ярилаа.