Нийслэлд ашиглалтын хугацаа дуусч акталсан 1180 орчим барилга бий. Эдгээр барилгын баригдсан оноос харахад насжилт нь дуусч байгаа гэж болно. Энэ барилгууд нь 1940-1970 онд баригдсан аж. Тухайлбал, дөрөвдүгээр дэлгүүрийн ар талын дөрөв, гурван давхар байрны тоосгон өрлөг нь идэгдээд үндсэн даацын хана нь шаардлагыг хангаж чадахгүй болсон байна.
Мөн Ард кино театрын орчимын 8, 9, 10 дугаар байрын нэг давхрын ханыг цоолж үйлчилгээ явуулснаас барилгын чанар муудаж, цаашид ашиглахад шаардлага хангахгүй болжээ. Түүнчлэн Од кино театрын хойно байрлах гурван давхар 27 дугаар байр гэх мэтийн нэлээд олон барилгыг цаашид ашиглах боломжгүй болсон учир акталсан байна.
Дээрх акталсан байрны орон сууцын оршин суугчид байрнаасаа гарахгүй асуудлыг сунжруулдаг бол мөн дээрх байрнуудын нэг давхарт үйлчилгээ явуулдаг иргэдийн ашиг сонирхол байрыг нураахад саад учруулдаг аж.