Эрхэм хүндэт барилгачид, барилгын салбарын бизнес эрхлэгчид та бүхэндээ Барилга.МН сэтгүүл, Барилгын Зөвлөгөө Мэдээллийн Төвийн нийт хамт олны мэндчилгээг хичээнгүйлэн хүргэж байна.
Улиран өнгөрч байгаа 2010 онд барилгын салбар хямралыг гэтлэн давсан жил байсан бөгөөд бидэнд аливаа ажлыг тодорхой судалгаа, шинжилгээнд тулгуурлаж үйлдэхийн чухлыг улам ихээр мэдрүүллээ.
Улс орны эдийн засагт гарч буй өсөлт хөгжилт, Төр засгийн бодлого шийдвэр нь барилгын салбарын бүтээн байгуулалтыг улам нэмэгдүүлэх боломж авчирсан энэ үед бид оюун бодол, ажил үйлсээ нэгтгэж хамтран ажилласанаар зорьсон үйлсдээ хүрч, амжилт ололтоор арвин байх тул эв хүчээ хамсран, бие биенээ дэмжиж ажиллахыг уриалж байна.
Монгол орноо хөгжүүлэх хамгийн чухал салбар бол их бүтээн байгуулалтын тэргүүн эгнээнд жагсдаг барилгынхан гэдэгт бид итгэдэг.
Ирж буй 2011 он та бидний хувьд зорьсон зорилтоо биелүүлсэн, амжилт бүтээлээ шинэ дэвшлээр ахиулсан он жил байх болно хэмээн итгэл төгс байна.
Та бүхэндээ шинэ оны мэнд хүргэе!