2010 онд нийслэлийн нутаг дэвсгэрт байрлан үйл ажиллагаа явуулж буй барилга угсралтын 169, барилгын материалын үйлдвэр 110, барилгын засал чимэглэлийн 23, сантехникийн 8, цахилгааны 11 зэрэг нийт 321 аж ахуйн нэгж, байгууллагын 10277 ажиллагсад, 1400 тоног төхөөрөмжийг хамруулан шалгасан байна. Шалгалтаар Монгол Улсын “Хөдөлмөрийн тухай” хууль, “Хөдөлмөрийн аюулгүй байдал, эрүүл ахуйн тухай” хууль, “Ажиллах хүч гадаадад гаргах, гадаадаас ажиллах хүч, мэргэжилтэн авах тухай” хууль, “Нийгмийн даатгалын тухай” багц хууль, “Эрүүл мэндийн даатгалын тухай” хууль, тэдгээртэй нийцүүлэн гаргасан бусад хууль эрх зүйн акт, стандартын хэрэгжилтийг хэрхэн байгааг шалгажээ. Шалгалтаар илэрсэн нийтлэг зөрчил дутагдал гэвэл Барилгын тусгай зөвшөөрөл авсан аж ахуйн нэгж, байгууллагууд барилга угсралт, засал, өрлөг, шавардлага, гадна фасадны ажлуудыг өөрсдийн мэргэжлийн ажилтнаар гүйцэтгүүлдэггүй, туслан гүйцэтгэгч хувь хүн, иргэнээр хийлгэдэг. Энэ нь хөдөлмөрийн аюулгүй ажиллагааны хууль, дүрэм, стандартын шаардлагыг хангаж түүнд хөрөнгө зарцуулан ажиллаж чадахгүй иргэд, аж ахуйн нэгж байгууллагууд барилгын ажлыг гүйцэтгэж улмаар хөдөлмөрийн аюулгүй ажиллагааны дүрэм зөрчигдөж осол гарах боломжийг бүрдүүлж байна. - Барилга угсралтын үед цахилгаан шатны хонгилийг шат угсрах ажил эхлэхээс өмнө захиалагч, ерөнхий гүйцэтгэгч, туслан гүйцэтгэгч байгууллагуудын аль нь хариуцаж аюулгүй байдлыг ханган ажиллах талаар аюулгүй ажиллагааны дүрэм заавартаа тодорхой тусгагдаагүйгээс шатны хонгилийн хаалт хамгаалалт хийгдэхгүй орхигддог зөрчил түгээмэл байна. - Барилга байгууламжийг захиалан бариулж буй иргэн, аж ахуйн нэгж нь барилга угсралтын ажлыг нэг компаниар, өрлөг, засал чимэглэл, гадна засал /фасадны/, газар шорооны ажил, өргөх тээвэрлэх.…гэх мэт бусад ажлуудыг тус бүр өөр өөр компаниудаар гүйцэтгүүлдэг байдал түгээмэл байна. Үүнээс шалтгаалж ерөнхий гүйцэтгэгч компани байхгүй болж барилгын хаалт хамгаалалтгүй, захын хийц дээрээс ажилтан ажил үүрэг гүйцэтгэх тохиолдолд хаалт хашилт, шат, тавцан, хамгаалалтын тор, саравч, гадна хашаа, лифтний хонгилийн хаалт хамгаалалт, барилгын гэрэлтүүлэг…гэх мэт хөдөлмөрийн аюулгүй байдлыг хангаж ажиллахад шаардагдах хөрөнгө мөнгөний асуудал дунд нь хоцрогдон эзэнгүйдэж, улмаар үйлдвэрлэлийн осол гарч хүний амь нас эрсдэх, эрүүл мэнд нь хохирох боломжийг бүрдүүлж байна. - Хөдөлмөрийн аюулгүй ажиллагааны зааварчилгыг ажилтанд ор нэр төдий өгч, гарын үсэг зуруулснаар хязгаарлан, ажилтныг хөдөлмөрийн аюулгүй ажиллагааны арга барилд хангалтгүй сургасан, - 1.3 метр түүнээс дээш өндөрт байрлаж буй хамгаалалтгүй ажлын байранд хамгаалалтын хаалт, хашлага, тор, саравч хийдэггүй, - Барилгын захиалагч болон ерөнхий гүйцэтгэгчид тухайн барилгын талбай дээр ажиллах бүх байгууллага, хувь хүний ажиллах аюулгүй ажиллагааг хангах арга хэмжээний төлөвлөгөө, ажил гүйцэтгэх тухай зөвшөөрлийн актыг хийдэггүй,- Ажилтанд хөдөлмөрийн аюулгүй ажиллагаа, эрүүл ахуйн шаардлага хангасанажлын тусгай хувцас, хамгаалах хэрэгсэл/дуулга малгай, хамгаалах бүс….г.м./ олгодоггүй. Олгосон боловч хөдөлмөрийн аюулгүй ажиллагааны дүрмийн дагуу хэрэглээнд нь хяналт тавьдаггүй, - Өндөрт мэргэжлийн бус, хөдөлмөрийн аюулгүй ажиллагааны аргыг зохих ёсоор сурч эзэмшээгүй, мэргэжлийн үнэмлэх аваагүй хүмүүсийг ажиллуулдаг, - Ажлын байр, зам гарц, талбайг хөдөлмөрийн аюулгүй ажиллагааны дүрэмд заасны дагуу бэлтгэж, үйлдвэрлэлийг аюулгүй гүйцэтгэх нөхцлийг бүрэн хангадаггүй, - Техник, тоног төхөөрөмж, багаж хэрэгслийг техникийн паспорт, дүрэм, стандартад заагдсан нөхцөлөөр ашигладаггүй, техник тоног төхөөрөмжийн засвар, үйлчилгээг бүрэн зогсоосны дараа хийдэггүй, - Хөдөлмөрийн аюулгүй ажиллагааны дүрэмд заасны дагуу хяналт, шалгалтыг хийж, эрсдэлийг үнэлдэггүй, ослоос урьдчилан сэргийлэх арга хэмжээг авдаггүй зэрэг зөрчлүүд түгээмэл байна. Дээрхи зөрчлүүд нь ажилтны хуулиар олгогдсон эрхийг зөрчиж, үйлдвэрлэлийн хүнд болон хүний амь үрэгдүүлсэн осол гарч ажилтны амь нас, эрүүл мэндийг хохироох боломжийг бүрдүүлж байна. Иймд ажил олгогчид Монгол Улсын “Хөдөлмөрийн тухай” хууль, “Хөдөлмөрийн аюулгүй байдал, эрүүл ахуйн тухай” хууль, тэдгээрийг хэрэгжүүлэхтэй холбогдуулан гаргасан тогтоол, дүрэм, журам, стандартууд, ”Барилгын үйлдвэрлэлд дагаж мөрдөх хөдөлмөр хамгаалал, аюулгүй ажиллагааны дүрэм” зэрэг эрх зүйн актуудыг хэрэгжүүлэхэд анхаарч хөдөлмөрийн аюулгүй байдлыг хангаж ажиллах шаардлагатай байгаа нь хяналт шалгалтаар илэрсэн зөрчил дутагдлаас харагдлаа.