Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Орон сууцанд амьдарч байна уу аль эсвэл оромж бууцанд хорогдож байна уу
Олон жил хөлс хүчээ зарцуулан байж олсон хэдэн төгрөгөөрөө ая тухтай, амар амгалан, амьсгал дүүрэн, цээж тэнэгэр амьдрах гэж эгэл ард орон сууцыг зорих болсоор удаж байна. Зөвлөлтийн үеийн хүйтэн, хуучин барилгаасаа татгалзаж, шинэхэн байранд аж төрөх амьдрах хүсэл нь тэднийг хөтлөсөөр өнөөдөр бараг бүх л хүмүүс орон сууцанд амьдрахыг зорьж, харин хөрөнгө мөнгө хүрэхгүй нэг нь мөрөөддөг болжээ. Гэр хорооллынхон ч ялгаагүй. Нүүрс тортогтой ноцолдож, худгийн усанд гүйж байсан дор орон сууцанд орохыг эрмэлздэг болсон цаг. Арга ч үгүй юм уу. Дэлхий нийтээр даяаршин хөгжиж буй өнөө үед түүхий нүүрсээр дулаацаж, худгийн усаар ундаалж байхыг хэн хүсэх билээ. Гэвч энэ орон сууц гээч зүйл хэн бүхний хүсэх, зорих, мөрөөдөх ёстой сайхан орчин, амьдралын зорилго мөн гэжүү.
Ганцхан өрөө байрыг 20-30 сая төгрөгөөр худалдан авсан олон мянган айл өрх өнөөдөр харуусал тээж, гомдол мэдүүлсээр байна. Түүхий нүүрснээс татгалзаж орон сууцанд орсон ч түүнээсээ дор халаалтгүй байранд орчихно, худгийн усанд гүйхээс ангижирч орон сууцанд ортол нөгөө ус нь тасарчихна. Дулаан сайхан гэрт амар тайван амьдрах гэтэл хажуу айлын дуу чимээ сонсогдоод амраахгүй. Шалнаасаа хайрч, таазнаасаа ус нэвтрэх ийм орон сууцны төлөө та бид олон жилийн хөдөлмөрийнхөө хөлсийг цуглуулах шаардлага байгаа юм уу. Уг нь олон улсын стандарт, орон сууцны хяналт шалгалт гэж байдаг л санагдах юм. Нээрээ шалгалт хийгддэг шүү дээ. Барилгын ажлын орон сууцны суурь ухагдахаас эхлээд бүхий л шатанд зөрчил илэрдэг ч харамсалтай нь тэр үедээ нэг нь анхааруулаад нөгөө нь аргалаад өнгөрдөг нь нууц биш.
Нэг л жишээ дуръдая. Саяхан нэгэн гэр бүл сүүлд баригдсан шинэхэн хорооллын хоёр өрөө байрыг худалдан авчээ. Анх ороход нь шалнаасаа эхлээд тааз хүртэл үнэхээр сайхан санагдаж, худалдаж авахаар болсон аж. Харин одоо тэдний байр халаалт маш муу хүйтэн байдгаас гадна, халуун ус нь байн байн тасарчихдаг, хажуу айлын хүмүүсийн хэрэлдэх дуу нь хүртэл сонсогдож тайван амар байж чаддаггүй гэнэ. Тэрээр холбогдох сууц өмчлөгчдийн холбоо, бусад газруудад мэдэгдсэн ч одоог хүртэл ямар нэгэн хариу ирээгүй байгаа аж. Халаалт нь муугаас болж нялх хүүхдийнх нь бие байн байн муудаж, ханиалгаж эмчийн хяналтад оржээ. Мөн халуун ус нь хэд хоногоор тасарчихаар хувцас хунараа цэвэрлэх, усанд орох гээд хамаг ажил нь хойшилдог гэнэ.
Үүнээс гадна хамгийн хүндрэлтэй нэг зүйл нь хажуу айлын дуу чимээ хананы цаанаас сонсогддог гэж байлаа. Ханаа юугаар хийсэн болоод хоёр тусдаа айлын дуу чимээ хоорондоо сонсогдож байгааг тэд гайхаж, хуучин байр минь ядаж хажуу айлын дуу сонсогддоггүй байсан гэж хуучилсан юм.
Төрөөс дэмжиж, олон мянган айлын орон сууцны төсөл хөтөлбөрийг боловсруулж байгаа нь нэг талаас сайшаалтай ч өнөөдөр манай улсад тоо чухал биш чанар үгүйлэгдээд байгаа юм бишүү эрхэм түшээд минь. Ядаж 20, 30 сая төгрөгөөр худалдаж авсан орон сууц нь 20, 30 жилийн чанар дагалдах нь зүйд нийцэх бус уу.
Хуучин ч гэсэн зөвлөлтийн үеийн орон сууц наана чинь 80 гаруй жилийг ардаа орхичихсон байна, хүмүүс өөрийн гараар бүтээсэн шавар байшиндаа хэдэн үеэрээ амьдарчихсан байхад шинэ орон сууц нь хоёр сарын ч насгүй араасаа асуудал дагуулж байхад 2 сая иргэний орон сууц хөтөлбөр боловсруулсан ч манай улсад хэрэггүй болоод байна шүү та минь.