АНУ-ын ЭСЯ-наас цагдаагийн хамгаалалтын харуулын байрыг орчин үеийн зураг төслөөр халаалтын нэгдсэн системд болон халуун, хүйтэн цэвэр усны сүлжээнд холбосон олон улсын жишигт нийцүүлэн Америк загвараар барьж, зураг төслийн хамт Цагдаагийн ерөнхий газарт хүлээлгэн өгөв.
Хүлээн авах ёслолын ажиллагаанд ЦЕГ-ын дарга, хошууч генерал Д.Сандаг-Очир, АНУ-ын Элчин сайд яамны тэргүүн дэд дарга Николас Хилл нар болон албаны бусад хүмүүс оролцов. ЦЕГ-ын дарга, хошууч генерал Д.Сандаг-Очир “орчин үеийн тохилог харуулын байр барьж өгсөн АНУ-ын ЭСЯ-нд талархал илэрхийлж, энэ байр нь гадаадын элчин, дипломатуудын газар, байрыг хамгаалж байгаа цагдаагийн хамгаалалтын байрны анхны үлгэр жишээ, загвар байр болсоныг онцлон тэмдэглэв.
” Цагдаагийн хамгаалалтын харуулын байр нь алба хаагчийн ажиллах нөхцөл, аюулгүй байдлыг бүрэн хангасан, ариун цэврийн өрөө, тасалгаатай ба байрыг барихад АНУ-ын ЭСЯ-наас 25 сая төгрөг зарцуулжээ. Б.Туул