“4000 орон сууц” төслийн хүрээнд 53 төсвийн ерөнхийлөн захирагчдад 4000 орон сууцны тоон хязгаар /квот/ хуваарилагдан, 2010 оны 11-р сарын 04-ний байдлаар 3995 төрийн албан хаагчийн нэрс тодорхой болж албан ёсоор манайд ирээд байна. Эдгээрээс зээлийн материалаа бүрдүүлж ирүүлсэн 2488 төрийн албан хаагчийн зээлийн хүсэлтийг судалж 1892 төрийн албан хаагчийн 61,9 тэрбум төгрөгийн зээлийн асуудлыг шийдвэрлээд байгаа ба орон сууцны үл хөдлөх эд хөрөнгийн гэрчилгээ нь зээлдэгчийн нэр дээр гарсан 1493 төрийн албан хаагчийн 48,5 тэрбум төгрөгийн зээлийн төлбөрийг 134 барилгын компаниудын дансанд шилжүүлсэн байна. Цаашид энэ ондоо багтаан 490 төрийн албан хаагчийн зээлийг санхүүжүүлж, үлдсэн 1600 гаруй төрийн албан хаагчийн зээлийн хүсэлтийг 2011 оны эхний хагас жилд багтаан шийдвэрлэх юм. Зээлд хамрагдаад байгаа төрийн албан хаагчдын амьдрах нөхцөлөө сайжруулсан байдал: Зээлийн шийдвэр нь гарсан 1892 төрийн албан хаагчдын амьдарч байсан нөхцлийг судлан үзэхэд дийлэнх хэсэг нь гэр хороололд, үлдсэн хэсэг нь түрээсийн болон эцэг, эхийн орон сууцанд амьдарч байсан байна. Тоон үзүүлэлтийг графикаар үзүүлвэл дараах байдалтай байна.