Барилга МН
Үнэлгээ
Нүүр
Үйлчилгээ
Холбоо барих
Танилцуулга татах
Барилга МН
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Barilga
2019-11-05
Нийслэлийн бүх орон сууц гудамж талбай хадмал хаягтай боллоо
Нийслэлийн Барилга Хот байгуулалт Төлөвлөлтийн газар нь гудамж талбайд нэр өгөх, барилга байгууламжид хаяг дугаар олгож мэдээллийн санд бүртгэх, батлагдсан стандартын дагуу хадмал хаяг үйлдвэрлэх зэрэг ажлуудыг хариуцан ажиллаж байна.
Эдгээр үйл ажиллагааг явуулахдаа НИТХТ-ийн 269 тоот тогтоол “Улаанбаатар хотын гудамж талбайд нэр өгөх, нэрэмжит болгох, барилга байгууламжид хаяг дугаар олгох журам”-ыг мөрдлөг болгон ажилладаг билээ.
2008 онд “УБ хотын хаягжилт” төслийг боловсруулж НЗД-ийн үйл ажиллагааны мөрийн хөтөлбөрт тусгуулан УБ хотын хаягжилтын асуудлыг эрчимжүүлэхээр ажиллаж байна. Хаягжилтын судалгааг жил бүр гаргаж судалгаанд үндэслэн жил бүрийн төлөвлөгөөг нарийвчлан гаргадаг. УБ хотын хаягжилтын байдал, оноор
Улаанбаатар хотын гудамж талбайд тооллого бүртгэл хийхэд нийт 248 гудамж тоологдсон ба одоогийн байдлаар Нийслэлийн Иргэдийн Төлөөлөгчдийн Тэргүүлэгчдийн Хурлын тогтоолоор нэрлэгдсэн 136 гудамж талбай байна.
2010 оны төлөвлөгөөнд тусгагдсаны дагуу УБ хотын хэмжээнд орон сууцны 2600, гудамжны нэрийн 680 хадмал хаяг хийж хадаж байрлуулах ажлыг Нийслэл хот байгуулагдсаны 371 жилийн ойн өдөр дуусгасан байна.
Ийнхүү Нийслэл Улаанбаатар хотын гудамж талбай, орон сууцыг хадмал хаягтай болж нэр, хаягтай холбоотой ажил үйлчилгээг эрхэлдэг түргэн тусламж, гал команд, шуудан харилцаа холбоо, цагдаа, хороо, Нийслэл, дүүргийн газрын алба, Үл хөдлөх хөрөнгийн бүртгэлийн газартай хаягийн өөрчлөлтийн талаар хамтран ажиллаж мэдээлэл солилцон, улмаар дээрх байгууллагуудын ажил үйлчилгээг харилцан уялдуулж, хөнгөн шуурхай болох ач холбогдолтой юм.